Túrkistanda «Áleýmettik jaýapkershilik pen qoǵamdyq belsendilik: Azamattyq qoǵamnyń qozǵaýshy kúshi» atty HII óńirlik azamattyq forýmy ótti. Eń aldymen «Túrkistan oblysynyń Azamattyq Aliansy» zańdy tulǵalar qaýymdastyǵy nysanyndaǵy birlestik týraly «Elge etken eńbek» atty kitaptyń tusaýkeseri ótip, arnaiy beinerolik kórsetildi,- dep habarlaidy Dalanews.kz
Keleli basqosýǵa Qyzylorda, Jambyl, Qostanai, Shymkent, Ulytaý, Qaraǵandy, Aqtóbe jáne taǵy basqa oblystardan delegatsiia ókilderi qatysty.
Azamattyq qoǵam ókilderiniń basyn qosqan forýmda Túrkistan oblysy ákiminiń orynbasary Ertai Altaev sóz sóilep, bul shara Prezident Qasym-Jomart Toqaevtyń bastamasymen júzege asyp jatqan «Halyq únine qulaq asatyn memleket» tujyrymdamasynyń naqty kórinisi ekenin atap ótip, qoǵamdyq uiymdar eldi órkendetý baǵytynda jumys isteýi kerek ekendigin jetkizdi.
– Forým – azamattyq qoǵam men memlekettik organdar arasyndaǵy ashyq dialogtyń, senim men seriktestiktiń jarqyn úlgisi. Oblys aýmaǵynda 700-ge jýyq úkimettik emes uiym tirkelgen. Olardyń 33,4 %-y qalalarda bolsa, 66,6 %-y aýdandarda ornalasqan. Qazirgi tańda úkimettik emes uiymdar azamattyq qoǵamdy damytý baǵyttarynda jumystar atqarýda. Bul – qoǵam institýttardyń damyp, kúsheiip kele jatqanynyń aiqyn dáleli. Oblys ákimdiginiń tiisti salalyq basqarmalary, aýdan, qala ákimdikteri men úkimettik emes uiymdar arasynda júieli áriptestik ornap keledi. Memleket basshysynyń qoldaýymen jyl saiyn úkimettik emes uiymdarǵa memlekettik qoldaý qarjysynyń kólemi arta túsýde. Atqarýshy bilik pen tutas eldiń, úkimettik emes uiymdardyń birlesken jumysy arqyly oblys ekonomikasy joǵary qarqynmen damyp keledi. Túrkistan oblysy qysqa merzimdi ekonomikalyq indikator boiynsha eki ai qatarynan úzdik kórsetkish kórsetýde. Biylǵy jyldyń 6 aiynyń qorytyndysymen ósim 118%-dy qurap, respýblika kóleminde kóshbasshylyqty saqtap qaldy. Ónerkásip ónim kólemi 723,3 mlrd. teńgeni qurap, 13,5%-ǵa artty. Oblys ekonomikasynyń negizgi salasy bolyp sanalatyn aýyl sharýashylyǵynda ónim kólemi 253,9 mlrd teńgeni qurap, ósim 104,7% deńgeiinde oryn aldy. Óndirilgen ónim boiynsha respýblikada kóshbasshymyz, – dedi Ertai Kenjebekuly.
Jiynda Qazaqstan Respýblikasy Mádeniet jáne aqparat vitse-ministri Aizada Qurmanov, «Qazaqstannyń Azamattyq Aliansy» zańdy tulǵalar qaýymdastyǵynyń prezidenti Baný Nurǵazieva, «Qazaqstan halqyna» qoǵamdyq qorynyń basqarma tóraiymy Lazzat Chinkisbaeva, Túrkistan oblysynyń qurmetti azamaty, qoǵam qairatkeri Jamalbek Sháripbekov mazmundy baiandama jasap, azamattyq qoǵamdy damytýdaǵy orny men mańyzyn qalyptastyrý baǵytyndaǵy oi-pikir, usynystaryn ortaǵa saldy.
Forým barysynda azamattyq qoǵamnyń memlekettik basqarý júiesindegi alar orny men ortaq maqsattarǵa negizdelgen jobalar aitylyp, josparlar pysyqtaldy.
Osy is-shara barysynda, oblysta memlekettik saiasatty nasihattaý, eldiń yntymaǵy men birligin saqtaýǵa úles qosyp júrgen úkimettik emes uiym ókilderi marapattaldy.
Forým aiasynda Azamattyq qoǵamdy damytý tujyrymdamasy, tujyrymdamanyń 1-kezeńin iske asyrý qorytyndylary, ony iske asyrýdyń 2-kezeńine usynymdar ázirleý», «Úkimettik emes uiymdar týraly» jáne «Memlekettik áleýmettik tapsyrystar týraly» Zań jobalary, «Zań jáne tártip – qoǵamdy shoǵyrlandyrýdyń negizi: ÚEU-nyń quqyqtyq aǵartýdaǵy róli», «Adal azamat» tujyrymdamasy: Azamattyq jaýapkershilik ekonomikalyq ósý faktory» taqyryptarynda plenarlyq sektsiialar ótti. Ótkir pikirler men usynystar aityldy.
