«Árbir memlekettiń uly qundylyqtary bolady. Memlekettik rámizderdi osy sanatqa jatqyzýǵa bolady. Jýyrda «Nur Otan» partiiasynyń bastamasymen «Meniń Týym, meniń Otanym!» aktsiiasy bastalǵan bolatyn.
Partiia tóraǵasynyń birinshi orynbasary Baýyrjan Baibek Almatydaǵy «Medeý» sport bazasy aýmaǵynda alyp týdy ornatý is-sharasyna qatysyp, jurtshylyqty rámizderdi qurmetteýge shaqyrdy. Qazirgi tańda elimizdiń túkpir-túkpirinde memlekettik týdy nasihattaý, dáripteý aktsiiasy jalǵasyp jatyr.
Búgin Túrkistan oblysynyń ortalyǵy – Túrkistan qalasynda da osy maqsatta bas qosyp otyrmyz. Memlekettik Týymyzdy kóterip, arnaiy mereke retinde atap ótýdiń maqsaty – patriotizmdi nasihattaý, qazaqstandyqtardyń Memlekettik Týǵa degen tereń qurmet sezimin qalyptastyrý», – dedi B.Tájibaev.
Saltanatty jiynda otanshyldyqqa shaqyratyn ánder shyrqalyp, kók Týdyń mán-mańyzyn túsindiretin keleli oilar aityldy.
«Jas Otan» jastar qanatynyń jalyndy jastary da merekeniń ajaryn ashyp, qurdastaryn igi bastamaǵa shaqyrdy.
Túrkistan tórindegi «Meniń Týym, meniń Otanym!» patriottyq aktsiiasyn túrkistandyqtar jyly qabyldady. Kópshilik qaýym patriottyq ánder tyńdap, kók Týmen sýretke tústi.
«Kók Týymyz máńgi jelbirep, Qazaqstanymyz máńgi jasasyn!», – deidi túrkistandyq otanshyl qaýym.
«Nur Otan» partiiasy Túrkistan oblystyq filialynyń baspasóz qyzmeti
