«ەربٸر مەملەكەتتٸڭ ۇلى قۇندىلىقتارى بولادى. مەملەكەتتٸك رەمٸزدەردٸ وسى ساناتقا جاتقىزۋعا بولادى. جۋىردا «Nur Otan» پارتيياسىنىڭ باستاماسىمەن «مەنٸڭ تۋىم, مەنٸڭ وتانىم!» اكتسيياسى باستالعان بولاتىن.
پارتييا تٶراعاسىنىڭ بٸرٸنشٸ ورىنباسارى باۋىرجان بايبەك الماتىداعى «مەدەۋ» سپورت بازاسى اۋماعىندا الىپ تۋدى ورناتۋ ٸس-شاراسىنا قاتىسىپ, جۇرتشىلىقتى رەمٸزدەردٸ قۇرمەتتەۋگە شاقىردى. قازٸرگٸ تاڭدا ەلٸمٸزدٸڭ تٷكپٸر-تٷكپٸرٸندە مەملەكەتتٸك تۋدى ناسيحاتتاۋ, دەرٸپتەۋ اكتسيياسى جالعاسىپ جاتىر.
بٷگٸن تٷركٸستان وبلىسىنىڭ ورتالىعى – تٷركٸستان قالاسىندا دا وسى ماقساتتا باس قوسىپ وتىرمىز. مەملەكەتتٸك تۋىمىزدى كٶتەرٸپ, ارنايى مەرەكە رەتٸندە اتاپ ٶتۋدٸڭ ماقساتى – پاتريوتيزمدٸ ناسيحاتتاۋ, قازاقستاندىقتاردىڭ مەملەكەتتٸك تۋعا دەگەن تەرەڭ قۇرمەت سەزٸمٸن قالىپتاستىرۋ», – دەدٸ ب.تەجٸباەۆ.
سالتاناتتى جيىندا وتانشىلدىققا شاقىراتىن ەندەر شىرقالىپ, كٶك تۋدىڭ مەن-ماڭىزىن تٷسٸندٸرەتٸن كەلەلٸ ويلار ايتىلدى.
«جاس وتان» جاستار قاناتىنىڭ جالىندى جاستارى دا مەرەكەنٸڭ اجارىن اشىپ, قۇرداستارىن يگٸ باستاماعا شاقىردى.
تٷركٸستان تٶرٸندەگٸ «مەنٸڭ تۋىم, مەنٸڭ وتانىم!» پاتريوتتىق اكتسيياسىن تٷركٸستاندىقتار جىلى قابىلدادى. كٶپشٸلٸك قاۋىم پاتريوتتىق ەندەر تىڭداپ, كٶك تۋمەن سۋرەتكە تٷستٸ.
«كٶك تۋىمىز مەڭگٸ جەلبٸرەپ, قازاقستانىمىز مەڭگٸ جاساسىن!», – دەيدٸ تٷركٸستاندىق وتانشىل قاۋىم.
«Nur Otan» پارتيياسى تٷركٸستان وبلىستىق فيليالىنىڭ باسپاسٶز قىزمەتٸ
