Túrkistan qalasynda Orta Aziiada teńdesi joq biregei sport nysany – halyqaralyq standarttarǵa sai salynǵan «Eskek esý» arnasy jaqynda paidalanýǵa beriledi,- dep habarlaidy Dalanews.kz.
Jalpy aýmaǵy 100 gektardy quraityn arnanyń uzyndyǵy – 2222 metr, eni – 260 metr, tereńdigi – 4 metr. Sý aidynyna jalpy kólemi 2 million m³ sý Kensai-Kóksai-2 sý qoimasynan, Shaǵa kólinen jáne Túrkistan magistraldy kanalynan jetkiziledi.
Nysanda 2,4 shaqyrymdyq sý jetkizý arnasy, 1,8 shaqyrymdyq sý shyǵarý arnasy, 3 tehnologiialyq kópir, sondai-aq 940 metrlik jaǵajai, 100 oryndyq tribýna, qonaqúi, jattyǵý bazasy, ákimshilik ǵimarat pen demalys oryndary qarastyrylǵan.
Jańa keshen ICF (Halyqaralyq baidarka jáne kanoe federatsiiasy) men FISA (Halyqaralyq akademiialyq esý federatsiiasy) standarttaryna tolyq sai. Bul nysan:
-
akademiialyq eskek esý, baidarka jáne kanoe sport túrlerinen halyqaralyq deńgeidegi jarystar ótkizýge múmkindik beredi;
-
sportshylardyń turaqty jattyǵýyna jaǵdai jasaidy;
-
demalys, serýen jáne kópshilik sharalar uiymdastyrýǵa qoldanylady.
Sonymen qatar, arnanyń sýy Túrkistannyń Ákimshilik-iskerlik ortalyǵy men arna aýmaǵyndaǵy irrigatsiialyq júiege, sondai-aq qalanyń jasyl beldeýin sýarýǵa paidalanylmaq.
Mamandardyń aitýynsha, bul joba Túrkistandy sporttyq, ekologiialyq jáne týristik turǵydan damytýǵa zor serpin berip, Qazaqstanda akademiialyq eskek esý sportynyń damýyna yqpal etpek.
