Túrkistanda Memleket basshysy Qasym-Jomart Toqaevtyń IV Ulttyq quryltaidaǵy baǵdarlamalyq baiandamasyn talqylaýǵa arnalǵan «Tuǵyrly el, turaqty damý: Ulttyq quryltai ideialary» taqyrybynda kezdesý ótti. Is-sharaǵa QR Prezidentiniń keńesshisi Málik Otarbaev, ǵalym salasynyń qyzmetkerleri men bilim alýshy jastar qatysty, dep habarlaidy Dalanews.kz
Kezdesýdi oblys ákiminiń orynbasary Ertai Altaev júrgizip otyrdy.
Eń aldymen Prezident keńesshisi «Jahandyq jas ǵalymdar» fotokórmesin jáne Qoja Ahmet Iasaýi atyndaǵy HQTÝ oqytýshy-professorlarynyń eńbekteri engizilgen «Órken jaiǵan oqý orda» kitap kórmesin tamashalady.
Alǵashqy sóz Qoja Ahmet Iasaýi atyndaǵy halyqaralyq qazaq-túrik ýniversitetiniń rektor ókili, professor, doktor Nadji Genchke berildi. Ol túrki elderiniń yntymaqtastyǵy jáne simpoziýmnyń mańyzdylyǵy týraly atap ótti.
Kezdesýde Qarjylyq monitoring agenttiginiń Túrkistan oblysy boiynsha Ekonomikalyq tergep-tekserý departamentiniń basshysy Erbolat Balǵabaev, Qoja Ahmet Iasaýi atyndaǵy halyqaralyq qazaq-túrik ýniversitetiniń dotsenti Gúlsara Toqqulova, Halyqaralyq qazaq-túrik ýniversitetiniń professory Seidýlla Sadyqov baiandama jasady.
Jiyndy qorytyndylaǵan QR Prezidentiniń keńesshisi Málik Nurjanuly sóz alyp, Memleket basshysynyń ystyq yqylasyn jetkizip, Memleket basshysynyń bastamasymen Túrkistanǵa erekshe mártebe berilýimen quttyqtady. Ǵylym men bilimniń ushtasqan ordasynda júzdesýindegi maqsatyna toqtalyp ótti. Sondai-aq Ulttyq quryltaida kóterilgen túitkildi máselelerge nazar aýdaryp, zań men tártip qaǵidaty týraly oi qozǵady. Stýdentterge sapaly bilim alý, jan-jaqty bolý kerektigin aityp, adamgershilik basty ustanym bolýy tiis ekenin jetkizdi. Ol ulttyń eńsesin kóterip, halyqtyń birligin nyǵaitatyn bastamalar júzege asatynyn aitty.
