Túrkistanda "Týǵan jer" jobasy arqyly 97 nysan iske qosyldy
Qýanarlyǵy, «Týǵan jer» baǵdarlamasyna kásipkerlerdiń yqylasy artý ústinde. Memleket basshysynyń «Týǵan jerge, onyń mádenieti men salt-dástúrlerine airyqsha ińkárlikpen atsalysý – shynaiy patriotizmniń mańyzdy kórinisteriniń biri» degen ustanymyn úlgi tutqan kásipkerler men el azamattary túrli nysandardyń qurylysyna demeýshilik jasap, týǵan óńirdi gúldendirýge belsene kirisip ketti.
Naqtyraq aitsaq, biyl Túrkistan oblysynda «Týǵan jer» arnaiy jobasy boiynsha demeýshilerdiń kómegimen 97 nysan iske qosyldy.
Aiaqtalǵan 97 nysannyń 28-i bilim mekemeleriniń qurylysy bolsa, 3 ǵimarat qaita jóndeýden ótkizilgen. Sonymen birge, 2-i meditsina mekemesi, 12 sport nysany ashylsa, 2 sport alańy jóndeldi. 15 mádeniet nysany paidalanýǵa berilip, men 5 qaita jóndeýden ótkizilse, abattandyrý boiynsha 30 joba iske asyrylǵan.
Budan buryn Túrkistan óńiriniń ákimi Janseiit Túimebaev "Týǵan jer" baǵdarlamasynyń árbir azamattyń ósken ólkesin túletýde ózindik orny bar jobany ekenin tilge tiek etip, óńirdegi barsha kásipkerlerdi atalǵan baǵdarlamaǵa belsene qatysýǵa shaqyrǵan bolatyn.
