قۋانارلىعى، «تۋعان جەر» باعدارلاماسىنا كاسىپكەرلەردىڭ ىقىلاسى ارتۋ ۇستىندە. مەملەكەت باسشىسىنىڭ «تۋعان جەرگە، ونىڭ مادەنيەتى مەن سالت-داستۇرلەرىنە ايرىقشا ىڭكارلىكپەن اتسالىسۋ – شىنايى ءپاتريوتيزمنىڭ ماڭىزدى كورىنىستەرىنىڭ ءبىرى» دەگەن ۇستانىمىن ۇلگى تۇتقان كاسىپكەرلەر مەن ەل ازاماتتارى ءتۇرلى نىسانداردىڭ قۇرىلىسىنا دەمەۋشىلىك جاساپ، تۋعان ءوڭىردى گۇلدەندىرۋگە بەلسەنە كىرىسىپ كەتتى.
ناقتىراق ايتساق، بيىل تۇركىستان وبلىسىندا «تۋعان جەر» ارنايى جوباسى بويىنشا دەمەۋشىلەردىڭ كومەگىمەن 97 نىسان ىسكە قوسىلدى.
اياقتالعان 97 نىساننىڭ 28ء-ى ءبىلىم مەكەمەلەرىنىڭ قۇرىلىسى بولسا، 3 عيمارات قايتا جوندەۋدەن وتكىزىلگەن. سونىمەن بىرگە، 2ء-ى مەديسينا مەكەمەسى، 12 سپورت نىسانى اشىلسا، 2 سپورت الاڭى جوندەلدى. 15 مادەنيەت نىسانى پايدالانۋعا بەرىلىپ، مەن 5 قايتا جوندەۋدەن وتكىزىلسە، اباتتاندىرۋ بويىنشا 30 جوبا ىسكە اسىرىلعان.
بۇدان بۇرىن تۇركىستان ءوڭىرىنىڭ اكىمى جانسەيىت تۇيمەبايەۆ "تۋعان جەر" باعدارلاماسىنىڭ ءاربىر ازاماتتىڭ وسكەن ولكەسىن تۇلەتۋدە وزىندىك ورنى بار جوبانى ەكەنىن تىلگە تيەك ەتىپ، وڭىردەگى بارشا كاسىپكەرلەردى اتالعان باعدارلاماعا بەلسەنە قاتىسۋعا شاقىرعان بولاتىن.
