Túrkistan oblysy ákiminiń orynbasary Ertai Altaev Qazaqstan triatlon federatsiiasynyń bas hatshysy Sergei Maiermen kezdesti. Basqosýda óńirde triatlon sportyn damytý, halyqaralyq, respýblikalyq jarystardy uiymdastyrý jáne Aziia kýbogyn Túrkistanda ótkizý máselelerin talqylady,- dep habarlaidy Dalanews.kz
Oblys ákiminiń orynbasary oblysta sport salasy qarqyndy damyp kele jatqanyn aityp, sonyń ishinde triatlon sportyna erekshe kóńil bólingenin jetkizdi.
– Túrki elderiniń rýhani astanasy Túrkistan qalasyna qosh keldińiz! Prezidenti Qasym-Jomart Toqaev sport salasyna erekshe kóńil bólip, qajetti qoldaýdy kórsetýde. Oblysta osy baǵytta tiisti jumystar júrýde. Triatlon – bul úsh tsikldyq sport túrinen, iaǵni, júzý, velosport jáne júgirýden turatyn qiyn sport túri. Óńirde bul sport túri belsendi damyp kele jatyr. Sport salasyn damytý baǵytyndaǵy usynystarǵa ashyqpyz, – dedi Ertai Kenjekbekuly.
Sergei Maier federatsiianyń jetistikterimen bólisip, aldaǵy maqsattary týraly baiandady. Sondai-aq jaqynda Túrkistan qalasynda ótkizilýi josparlanǵan triatlonnan Aziia kýbogyn joǵary deńgeide uiymdastyrý úshin daiyndyq júrip jatqandyǵyn jetkizdi.
Qos tarap triatlondy damytý men nasihattaýǵa baǵyttalǵan birlesken jobalardy júzege asyrýǵa, triatlondy damytý baǵytynda birlesip jumys isteýge ýaǵdalasty.
Aita keteiik, ótken jyly oblystyń triatlonshylary respýblikalyq jáne halyqaralyq jarystarda 1 altyn, 3 kúmis, 4 qola enshiledi.
