تۇركىستان وبلىسى اكىمىنىڭ ورىنباسارى ەرتاي التايەۆ قازاقستان ترياتلون فەدەراسياسىنىڭ باس حاتشىسى سەرگەي مايەرمەن كەزدەستى. باسقوسۋدا وڭىردە ترياتلون سپورتىن دامىتۋ، حالىقارالىق، رەسپۋبليكالىق جارىستاردى ۇيىمداستىرۋ جانە ازيا كۋبوگىن تۇركىستاندا وتكىزۋ ماسەلەلەرىن تالقىلادى،- دەپ حابارلايدى Dalanews.kz
وبلىس اكىمىنىڭ ورىنباسارى وبلىستا سپورت سالاسى قارقىندى دامىپ كەلە جاتقانىن ايتىپ، سونىڭ ىشىندە ترياتلون سپورتىنا ەرەكشە كوڭىل بولىنگەنىن جەتكىزدى.
– تۇركى ەلدەرىنىڭ رۋحاني استاناسى تۇركىستان قالاسىنا قوش كەلدىڭىز! پرەزيدەنتى قاسىم-جومارت توقايەۆ سپورت سالاسىنا ەرەكشە كوڭىل ءبولىپ، قاجەتتى قولداۋدى كورسەتۋدە. وبلىستا وسى باعىتتا ءتيىستى جۇمىستار جۇرۋدە. ترياتلون – بۇل ءۇش سيكلدىق سپورت تۇرىنەن، ياعني، ءجۇزۋ، ۆەلوسپورت جانە جۇگىرۋدەن تۇراتىن قيىن سپورت ءتۇرى. وڭىردە بۇل سپورت ءتۇرى بەلسەندى دامىپ كەلە جاتىر. سپورت سالاسىن دامىتۋ باعىتىنداعى ۇسىنىستارعا اشىقپىز، – دەدى ەرتاي كەنجەكبەك ۇلى.
سەرگەي مايەر فەدەراسيانىڭ جەتىستىكتەرىمەن ءبولىسىپ، الداعى ماقساتتارى تۋرالى باياندادى. سونداي-اق جاقىندا تۇركىستان قالاسىندا وتكىزىلۋى جوسپارلانعان ترياتلوننان ازيا كۋبوگىن جوعارى دەڭگەيدە ۇيىمداستىرۋ ءۇشىن دايىندىق ءجۇرىپ جاتقاندىعىن جەتكىزدى.
قوس تاراپ ترياتلوندى دامىتۋ مەن ناسيحاتتاۋعا باعىتتالعان بىرلەسكەن جوبالاردى جۇزەگە اسىرۋعا، ترياتلوندى دامىتۋ باعىتىندا بىرلەسىپ جۇمىس ىستەۋگە ۋاعدالاستى.
ايتا كەتەيىك، وتكەن جىلى وبلىستىڭ ترياتلونشىلارى رەسپۋبليكالىق جانە حالىقارالىق جارىستاردا 1 التىن، 3 كۇمىس، 4 قولا ەنشىلەدى.
