Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistanda tońazytqysh pen muzdatqysh shyǵaratyn zaýyt salý boiynsha kelissózder sátti ótti

Dalanews
Túrkistanda tońazytqysh pen muzdatqysh shyǵaratyn zaýyt salý boiynsha kelissózder sátti ótti
Túrkistan oblysynyń ákimi Darhan Satybaldy Ýkrainanyń «UBC Group» kompaniiasynyń basshysy Igor Gýmennyimen kezdesip, kelissóz júrgizdi. Atalǵan investor Túrkistan oblysynda sýsyndardy salqyndatatyn tońazytqyshtar men tońazytqysh sórelerin, muzdatqyshtar shyǵaratyn zaýyt ashýǵa nietti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Óńir basshysy investorǵa Túrkistan óńiriniń investitsiialyq áleýetin tanystyryp, jumys isteýge shaqyrdy. Jobany jan-jaqty talqylap, qoldaý kórsetiletinin jetkizdi.

– Túrkistanǵa qosh keldińizder! Túrkistan Qazaq eli úshin, Túrki álemi úshin – qasietti qala. Munda uly oishyl Qoja Ahmet Iasaýi ómir súrgen. Qazaq handyǵynyń astanasy bolǵan. Bes jyl buryn Túrkistan oblysy qurylyp, tarihi shahar oblys ortalyǵyna ainaldy. Biz Túrkistan óńiri men oblys ortalyǵyn óndirisi, kásipkerligi damyǵan ortalyqqa ainaldyrýdy kózdep otyrmyz. Sizdermen birlese jumys isteýge múddelimiz.

Zaýyt salýǵa jer, infraqurylym jáne ózge de máseleler boiynsha qoldaý kórsetemiz. Jerilikti mamandardy birlese daiarlaýǵa da daiynbyz. Arnaiy ekonomikalyq aimaq, indýstrialdy aimaqtarymyz bar. Jol kartasyn ázirlep, eki tarap óz mindetterimizdi oryndaý merzimin naqtylaiyq. Sol boiynsha jumys júrgizemiz, – dedi Darhan Satybaldy.


Igor Gýmennyi Qazaqstanda alyp kásiporyn ashýǵa nietti ekenin aita kele jyly qarsy alǵan Túrkistan oblysy ákimine rizashylyǵyn bildirdi.

– «UBC Group» – Shyǵys Eýropadaǵy eń tanymal ári óndiristik qýaty myqty kompaniialardyń biri. 5500 adam jumys isteidi. Bizdiń zaýyttarda óndirilgen salqyndatqysh tehnikalary, sýsyndardy saqtaityn tońazytqyshtar men salqyndatylǵan taýar sóreleri, shkaftary Eýropa men Aziia elderinde suranysqa ie.

Sýsyn shyǵaratyn ataqty transulttyq kompaniialar bizben tyǵyz jumys isteidi. Túrkistanǵa bir zaýytymyzdy ashatyn bolsaq, bastapqyda 300 adam, tolyq qýatyna engende 1200 jumysshy qajet bolady.

Jergilikti turǵyndardy úiretý úshin mamandar da shaqyrylady. Bizge ázirge jalǵa úlken ǵimarat berilse, keiin jer qarastyrylsa, jáne tiisti qoldaýlar bolsa, áriptestik ornata alamyz. Túrkistanda shyǵarylǵan taýardyń 60 paiyzyn  eksportqa shyǵarýdy josparlap otyrmyz, – dedi ol.


Kezdesý barysynda qos tarap jobany jan-jaqty zerdelep, birlese jumys isteýge ýaǵdalasty. Osy issaparynda investorlar Túrkistandaǵy arnaiy ekonomikalyq aimaq pen indýstrialdy aimaqty aralap kórdi. Sonymen birge Kentaý qalasy men Ordabasy aýdanyndaǵy indýstrialdy aimaqtardyń jumysymen tanysady.

«UBC Group» saýda-ónerkásip holdingi – tońazytqysh tehnikasy salasynda jumys isteitin álemdik kóshbasshylardyń biri.

Kompaniia álemniń 120 eline ónim jetkizedi.
ýkraina túrkistan Eýropa Qoja Ahmet Iasaýi Darhan Satybaldy Aziia tońazytqysh Jol kartasy Madina Sádýaqasova Igor Gýmennyi muzdatqysh UBC Group

Oqi otyryńyz