Túrkistan oblysynda «Taza Qazaqstan» baǵdarlamasy birneshe baǵytta júrgizilip jatyr. Bul týraly Túrkistan oblysy ákimi apparatynyń májilisinde talqylandy. Óńir basshysy Darhan Satybaldy tazalyq, abattandyrý jumystaryn júieli atqarýdy tapsyrdy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– «Taza Qazaqstan» baǵdarlamasy turaqty qadaǵalaýda tur. Tiisti mindetter júktelgen. Jaýapty basqarmalar men aýdan, qala ákimdikteri jumys qarqynyn báseńdetpeýi kerek. Eldi mekenderde tazalyqty saqtaý, ekologiialyq saýattylyqty kóterý, túsindirý jumystary jalǵasa beredi. Barlyq qurylym osy iske atsalysýy tiis, – dedi Darhan Satybaldy.
Túrkistan oblysy ákiminiń birinshi orynbasary Zulpyhar Joldasovtyń aitýynsha, «Taza Qazaqstan» baǵdarlamasy aiasynda jyl sońyna deiin 807 senbilik ótkizý josparlanyp, 20 maýsym - 22 qarasha aralyǵynda 768 senbilik uiymdastyrylǵan. 18 qarasha-22 qarasha aralyǵynda 45 senbilik ótkizilgen.
Óńirdegi aýyldy aimaqtardyń ekonomikasyn órkendetip, turǵyndar úshin qolaily ómir surý ortasyn qalyptastyrý maqsatynda oblys ákiminiń bastamasymen «Úlgili aýyl» baiqaýy ótip, jeńimpaz anyqtalǵan. Bas júlde iegerine, iaǵni Qazyǵurt aýdanyndaǵy Sharbulaq aýyly úshin qajetti áleýmettik nysan anyqtalyp, 2025 jylǵa atalǵan nysannyń qurylysy úshin oblystyq biýdjetten tiisti qarajat bólý josparlanýda.
Túrkistandaǵy indýstrialdy aimaqty jinap, retke keltirý jumystary júrgizildi. Merdiger mekemege, jaýapty basqarmalar jáne qala ákimdigine bekitilgen sektorlardyń 70 gektary aýmaǵynda retsiz ósken ósimdikterdi tazalaý, retteý, aimaqty jaryqtandyrý, tazalyq jumystary atqarylǵan. Oblys ákim apparatynyń qyzmetkerleri anyqtaǵan 170 qoqys ornynyń 164-i retke keltirilip, qalǵan 6 orynda tazalaý jumystary júrgizilýde.
