– Táýelsizdik – uly uǵym. Jumyr jer betinde azattyǵyn ańsap, bostandyqqa qol jetkize almaı júrgen ulttar kóp. Jyl, aı emes, mınýt saıyn qubylatyn almaǵaıyp zamanda Qazaqstanymyzben maqtanyp qana qoımaı, táýelsizdigimizdi tuǵyrly etý úshin barshamyz eńbek etýge tıistimiz. Bıyl Táýelsizdik kúni merekesin jańa oblys ortalyǵy — Túrkistan qalasynda tuńǵysh ret atap ótýdemiz. Bul da tarıhı oqıǵa. Búginde Elbasymyzdyń qoldaýymen Túrkistanymyz túrlenip, oblysymyzdyń áleýeti kóterilip keledi. Jyl basynan beri ónerkásip óniminiń kólemi 409,6 mlrd. teńgeni qurady. Aýyl sharýashylyǵynyń jalpy ónim kólemi 508,2 mlrd. teńgege jetse, shet elderge et 6,2 myń tonna et eksporttaǵan oblysymyz bul kórsetkish boıynsha respýblıkada 1-oryndy ıelendi. 11 aıda qurylys jumystarynyń kólemi 110 mlrd. teńgege, al, paıdalanýǵa berilgen turǵyn úıdiń jalpy alańy 374,8 myń sharshy metrdi qurady. Qazirdiń ózinde «Rıksos» qonaq úıi men iskerlik ortalyǵynyń qazyǵy qaǵyldy. Taıaýda Túrkistan qalasynda 30 iri nysannyń qurylysy bastalady. Elbasymyzdyń qoldaýymen Túrkistannyń tynysy ashylyp, jańa maqsattar men mejeler aıqyndalýda. Barshańyzdy Táýelsizdik kúnimen quttyqtaı otyryp, otbasylaryńyzǵa amandyq, ıgi bastamalaryńyzǵa sáttilik tileımin, – óńir basshysy eńbegimen daralanǵan 55 adamǵa túrli marapattardy saltanatty túrde tapsyrdy.
Merekelik keshte Túrkistan oblysynyń «Qazyna», «Tumar» bı ujymdary men oblystyq opera jáne balet teatrynyń ónerpazdary «Atameken» horeografıalyq kompozısıasyn usyndy. Jeztańdaı ánshiler «Aınaldym elim», «Qazaǵym», «Nur-Astana», «Qalam meniń – Túrkistan», «Otan», «Qazaqstanym» jáne ózge de patrıottyq ánderdi shyrqady.
Boıǵa jiger, júrekke jalyn beretin keshke qatysqan kópshilik Táýelsizdikti tuǵyrly, Túrkistandaǵy bastamalardy ǵumyrly etýge ýaǵdalasyp, kóterińki kóńil-kúıde tarqasty.
Túrkistan oblysy ákiminiń baspasóz qyzmeti
