– تاۋەلسىزدىك – ۇلى ۇعىم. جۇمىر جەر بەتىندە ازاتتىعىن اڭساپ، بوستاندىققا قول جەتكىزە الماي جۇرگەن ۇلتتار كوپ. جىل، اي ەمەس، مينۋت سايىن قۇبىلاتىن الماعايىپ زاماندا قازاقستانىمىزبەن ماقتانىپ قانا قويماي، تاۋەلسىزدىگىمىزدى تۇعىرلى ەتۋ ءۇشىن بارشامىز ەڭبەك ەتۋگە ءتيىستىمىز. بيىل تاۋەلسىزدىك كۇنى مەرەكەسىن جاڭا وبلىس ورتالىعى — تۇركىستان قالاسىندا تۇڭعىش رەت اتاپ وتۋدەمىز. بۇل دا تاريحي وقيعا. بۇگىندە ەلباسىمىزدىڭ قولداۋىمەن تۇركىستانىمىز تۇرلەنىپ، وبلىسىمىزدىڭ الەۋەتى كوتەرىلىپ كەلەدى. جىل باسىنان بەرى ونەركاسىپ ءونىمىنىڭ كولەمى 409،6 ملرد. تەڭگەنى قۇرادى. اۋىل شارۋاشىلىعىنىڭ جالپى ءونىم كولەمى 508،2 ملرد. تەڭگەگە جەتسە، شەت ەلدەرگە ەت 6،2 مىڭ توننا ەت ەكسپورتتاعان وبلىسىمىز بۇل كورسەتكىش بويىنشا رەسپۋبليكادا 1-ورىندى يەلەندى. 11 ايدا قۇرىلىس جۇمىستارىنىڭ كولەمى 110 ملرد. تەڭگەگە، ال، پايدالانۋعا بەرىلگەن تۇرعىن ءۇيدىڭ جالپى الاڭى 374،8 مىڭ شارشى مەتردى قۇرادى. ءقازىردىڭ وزىندە «ريكسوس» قوناق ءۇيى مەن ىسكەرلىك ورتالىعىنىڭ قازىعى قاعىلدى. تاياۋدا تۇركىستان قالاسىندا 30 ءىرى نىساننىڭ قۇرىلىسى باستالادى. ەلباسىمىزدىڭ قولداۋىمەن تۇركىستاننىڭ تىنىسى اشىلىپ، جاڭا ماقساتتار مەن مەجەلەر ايقىندالۋدا. بارشاڭىزدى تاۋەلسىزدىك كۇنىمەن قۇتتىقتاي وتىرىپ، وتباسىلارىڭىزعا اماندىق، يگى باستامالارىڭىزعا ساتتىلىك تىلەيمىن، – ءوڭىر باسشىسى ەڭبەگىمەن دارالانعان 55 ادامعا ءتۇرلى ماراپاتتاردى سالتاناتتى تۇردە تاپسىردى.
مەرەكەلىك كەشتە تۇركىستان وبلىسىنىڭ «قازىنا»، «تۇمار» بي ۇجىمدارى مەن وبلىستىق وپەرا جانە بالەت تەاترىنىڭ ونەرپازدارى «اتامەكەن» حورەوگرافيالىق كومپوزيسياسىن ۇسىندى. جەزتاڭداي انشىلەر «اينالدىم ەلىم»، «قازاعىم»، «نۇر-استانا»، «قالام مەنىڭ – تۇركىستان»، «وتان»، «قازاقستانىم» جانە وزگە دە پاتريوتتىق اندەردى شىرقادى.
بويعا جىگەر، جۇرەككە جالىن بەرەتىن كەشكە قاتىسقان كوپشىلىك تاۋەلسىزدىكتى تۇعىرلى، تۇركىستانداعى باستامالاردى عۇمىرلى ەتۋگە ۋاعدالاسىپ، كوتەرىڭكى كوڭىل-كۇيدە تارقاستى.
تۇركىستان وبلىسى اكىمىنىڭ باسپا ءسوز قىزمەتى
