Túrkistandaǵy Q.A.Iasaýi atyndaǵy HQTÝ-dyń Mádeniet ortalyǵynda qazaqtyń kórnekti jazýshysy, aqyn, ádebiet synshysy Táken Álimqulovtyń 100 jyldyǵy men jazýshy, dramatýrg Asqar Súleimenovtiń 80 jyldyǵyna orai «Uly dalanyń dara danalary» kitap kórmesi men «Qarataýdyń tól perzentteri» atty eske alý keshi ótti.
Elbasy N.Á.Nazarbaevtyń «Bolashaqqa baǵdar: rýhani jańǵyrý» maqalasy aiasynda uiymdastyrylǵan ádebi keshke ziialy qaýym ókilderi, ádebietshiler, aqyn-jazýshylar men oqyrmandar qatysty.
Rýhani keshte Túrkistan oblysy ákiminiń orynbasary Málik Otarbaev «Qulagerdei qalamgerlerdiń atyn ardaqtaý, qurmet tutyp qasterleý, biikke kóterý, mura etip qaldyrǵan altyn qazynalaryn keleshek urpaqqa jetkizý — barshamyzdyń paryzymyz» dei kele óńir basshysy Janseiit Túimebaevtyń quttyqtaý hatyn oqyp berdi.
Sonymen birge, Táken Álimqulovtyń jubaiy Esimkúl Álimqulova men Asqar Súleimenovtiń uly Álisher Súleimenovke oblys basshysynyń syi-siiapatyn tabys etti.
Sóz zergerlerin eske alýǵa arnalǵan keshke Qazaqstan Jazýshylar odaǵy basqarmasy tóraǵasynyń orynbasary Baqyt Bedelhanuly, Qazaqstannyń Memlekettik syilyǵynyń laýreaty, aqyn, jazýshy Esenǵali Raýshanov, jazýshy, filologiia ǵylymdarynyń doktory, professor Qulbek Ergóbek, «Túrki álemine qyzmeti úshin» halyqaralyq syilyqtyń iegeri Rafael Niiazbekuly, jazýshy, «Alash» halyqaralyq ádebi syilyǵynyń laýreaty Marhabat Baiǵut jáne Sozaq aýdanynyń Qurmetti azamaty, aqyn Myńjasar Asqarov jáne ózge de ziialy qaýym ókilderi ádebiettiń qos alybynyń eńbegi eren ekenine toqtalyp, olardyń rýhani muralary elge máńgi qyzmet etetinin aitty.
Ádebi keshte R.Seitmetov atyndaǵy Túrkistan sazdy drama teatrynyń ártisteri «Qarataýdyń tól perzentteri» poetikalyq kompozitsiiasyn usynsa, oblys ónerpazdary kontserttik baǵdarlamasyn tartý etti.Jiynǵa qatysýshylar «Rýhani jańǵyrý» baǵdarlamasy aiasynda ótken keshke rizashylyqtaryn bildirip, rýhani serpilip qaitty.
Osy kúni Túrkistan qalasyndaǵy №21 jalpy orta mektebinde de Táken Álimqulovtyń 100 jyldyǵyna arnalǵan eske alý is-sharasy ótti. Sondai-aq, Túrkistan qalasyndaǵy №21 jalpy orta mektebine T.Álimqulovtyń atyn berý jóninde Prezident Ákimshiligine usynys hat joldansa, Túrkistan qalasyndaǵy A.Súleimenov kóshesine gaz, sý tartylyp, joly jóndeletini de belgili boldy. Uly tulǵalarǵa degen qurmet eshqashan tómendemeidi.
