Búgin Túrkistan qalasyndaǵy “Kongress Holl” kesheninde erekshe qajettilikteri bar balalarǵa arnalǵan «Sheksiz óner – teń múmkindikter álemi» atty teatrlandyrylǵan shara ótti, - dep habarlaidy Dalanews.kz
Jiyn qala ákimdiginiń Jumyspen qamtý jáne áleýmettik baǵdarlamalar bóliminiń uiymdastyrýymen ótkizilgen. Is-shara - múmkindigi shekteýli balalardyń shyǵarmashylyq qabiletterin damytý jáne olardy mádeni ortaǵa tartý arqyly qoǵammen tyǵyz bailanysty nyǵaitýǵa baǵyttalǵan.
Atalǵan bastama Túrkistan qalasynyń erekshe mártebesine sai inkliýzivti qoǵam qalyptastyrý aiasynda qolǵa alynǵan. Bul – áleýmettik teńdikti nasihattap, erekshe jandardyń áleýetin kórsetýge arnalǵan mańyzdy qadam. Is-shara aiasynda Túrkistan óńirinen jinalǵan balalardyń qolóner buiymdarynan arnaiy kórme uiymdastyrylyp, ulttyq naqyshtaǵy týyndylar men shyǵarmashylyq jumystar kópshiliktiń qyzyǵýshylyǵyn týdyrdy.
Sonymen qatar, 40-qa jýyq balanyń qatysýymen miýzikl janrynda teatrlandyrylǵan finaldyq qoiylym sahnalandy. Jobanyń ereksheligi – barlyq qatysýshylar kásibi mamandardyń jetekshiligimen daiyndyq protsesinen ótti. Bul olardyń sahnada óz ónerin senimdi kórsetýine jáne shyǵarmashylyq áleýetin tolyq ashýyna múmkindik berdi.
