بۇگىن تۇركىستان قالاسىنداعى “كونگرەسس حولل” كەشەنىندە ەرەكشە قاجەتتىلىكتەرى بار بالالارعا ارنالعان «شەكسىز ونەر – تەڭ مۇمكىندىكتەر الەمى» اتتى تەاترلاندىرىلعان شارا ءوتتى، - دەپ حابارلايدى Dalanews.kz
جيىن قالا اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ ۇيىمداستىرۋىمەن وتكىزىلگەن. ءىس-شارا - مۇمكىندىگى شەكتەۋلى بالالاردىڭ شىعارماشىلىق قابىلەتتەرىن دامىتۋ جانە ولاردى مادەني ورتاعا تارتۋ ارقىلى قوعاممەن تىعىز بايلانىستى نىعايتۋعا باعىتتالعان.
اتالعان باستاما تۇركىستان قالاسىنىڭ ەرەكشە مارتەبەسىنە ساي ينكليۋزيۆتى قوعام قالىپتاستىرۋ اياسىندا قولعا الىنعان. بۇل – الەۋمەتتىك تەڭدىكتى ناسيحاتتاپ، ەرەكشە جانداردىڭ الەۋەتىن كورسەتۋگە ارنالعان ماڭىزدى قادام. ءىس-شارا اياسىندا تۇركىستان وڭىرىنەن جينالعان بالالاردىڭ قولونەر بۇيىمدارىنان ارنايى كورمە ۇيىمداستىرىلىپ، ۇلتتىق ناقىشتاعى تۋىندىلار مەن شىعارماشىلىق جۇمىستار كوپشىلىكتىڭ قىزىعۋشىلىعىن تۋدىردى.
سونىمەن قاتار، 40-قا جۋىق بالانىڭ قاتىسۋىمەن ميۋزيكل جانرىندا تەاترلاندىرىلعان فينالدىق قويىلىم ساحنالاندى. جوبانىڭ ەرەكشەلىگى – بارلىق قاتىسۋشىلار كاسىبي مامانداردىڭ جەتەكشىلىگىمەن دايىندىق پروسەسىنەن ءوتتى. بۇل ولاردىڭ ساحنادا ءوز ونەرىن سەنىمدى كورسەتۋىنە جانە شىعارماشىلىق الەۋەتىن تولىق اشۋىنا مۇمكىندىك بەردى.
