Jaǵajaidyń ashylýynda balalarǵa arnalǵan túrli oiyndar uiymdastyryldy. Sonymen birge kópshiliktiń qatysýymen túrli oiyn-saýyq baǵdarlamalary usynylyp, baiqaýlar ótti.
Sý aidynynda jelkendi qaiyqtar júzip, oblystyń eskek esýshileri óz sheberlikterin kórsetti. Tanymal didjeiler men ónerpazdar óner kórsetse, keshtiń basty ánshisi Qairat Nurtas óz jerlesterine ánnen shashý shashyp, Túrkistandaǵy jaǵajaidyń ashylýymen quttyqtady.
Jaǵajaiǵa kelgen demalýshylar Túrkistanda ashylǵan jańa týristik orynǵa rizashylyqtaryn bildirdi. Otbasymen sýǵa shomylyp, kóńildi baiqaýlarǵa qatysyp, shoý-baǵdalamany tamashalady.
Jaǵajai jumysyn bastaǵan alǵashqy kúnniń ózinde birneshe myń adam kelip, «Shaǵadan» shattanyp qaitty. Bul jaǵajai týrizmdi damytyp qana qoimai, Túrkistan aýmaǵyn kógaldandyrý, aýa raiyn jaqsartýǵa da oń serpin bermek.
Demalys aýmaǵynyń qurylysy 2020 jyly qarasha aiynda bastaldy.
Jaǵajaida emdik qasietke ie shaǵyl qum tóselip, aǵash otyrǵyzylǵan. Jańa týristik nysanǵa baratyn joldyń sapasy da joǵary deńgeide. Aldaǵy ýaqytta balalar demalys aýmaǵy, elitalyq kottedjder men qonaqúiler, akvapark salynady dep josparlanyp otyr.
