جاعاجايدىڭ اشىلۋىندا بالالارعا ارنالعان ءتۇرلى ويىندار ۇيىمداستىرىلدى. سونىمەن بىرگە كوپشىلىكتىڭ قاتىسۋىمەن ءتۇرلى ويىن-ساۋىق باعدارلامالارى ۇسىنىلىپ، بايقاۋلار ءوتتى.
سۋ ايدىنىندا جەلكەندى قايىقتار ءجۇزىپ، وبلىستىڭ ەسكەك ەسۋشىلەرى ءوز شەبەرلىكتەرىن كورسەتتى. تانىمال ديدجەيلەر مەن ونەرپازدار ونەر كورسەتسە، كەشتىڭ باستى ءانشىسى قايرات نۇرتاس ءوز جەرلەستەرىنە اننەن شاشۋ شاشىپ، تۇركىستانداعى جاعاجايدىڭ اشىلۋىمەن قۇتتىقتادى.
جاعاجايعا كەلگەن دەمالۋشىلار تۇركىستاندا اشىلعان جاڭا تۋريستىك ورىنعا ريزاشىلىقتارىن ءبىلدىردى. وتباسىمەن سۋعا شومىلىپ، كوڭىلدى بايقاۋلارعا قاتىسىپ، شوۋ-باعدالامانى تاماشالادى.
جاعاجاي جۇمىسىن باستاعان العاشقى كۇننىڭ وزىندە بىرنەشە مىڭ ادام كەلىپ، «شاعادان» شاتتانىپ قايتتى. بۇل جاعاجاي ءتۋريزمدى دامىتىپ قانا قويماي، تۇركىستان اۋماعىن كوگالداندىرۋ، اۋا رايىن جاقسارتۋعا دا وڭ سەرپىن بەرمەك.
دەمالىس اۋماعىنىڭ قۇرىلىسى 2020 جىلى قاراشا ايىندا باستالدى.
جالپى اۋدانى – 81 گەكتار. ال سۋىنىڭ سىيىمدىلىعى – 2،5 ملن تەكشە مەترگە جۋىق. قازىرگى تاڭدا جاساندى سۋ ايدىنىندا 2 ملن. تەكشە مەتر سۋ بار. كوكتەمگى سۋدى قابىلدايتىن، سۋ جىبەرەتىن كانالدار دا دايىن.
جاعاجايدا ەمدىك قاسيەتكە يە شاعىل قۇم توسەلىپ، اعاش وتىرعىزىلعان. جاڭا تۋريستىك نىسانعا باراتىن جولدىڭ ساپاسى دا جوعارى دەڭگەيدە. الداعى ۋاقىتتا بالالار دەمالىس اۋماعى، ەليتالىق كوتتەدجدەر مەن قوناقۇيلەر، اكۆاپارك سالىنادى دەپ جوسپارلانىپ وتىر.
