Túrkistanda saýda oryndary qala syrtyna kóshiriledi
Qalanyń sáýleti men qurylys josparlaryna sáikes, saýda júiesiniń basym bóligi modernizatsiialaýdy qajet etedi. Túrkistan qalasynda saýda qyzmetin retteý jónindegi amaldardyń ret-tártibi (algoritm deistvii) bekitilip, birqatar jumystar atqarylyp keledi.
Búgingi tańda qoldanystaǵy saýda alańdary men bazarlardy jáne saýda núktelerin bir júiege keltirý maqsatynda qala syrtynan qurylys materialdaryn, kiim-keshek, azyq-túlik taýarlaryn saýdalaityn bazarlar úshin 50 gektar jer telimi belgilengen. Onyń ishinde, 17 ga – Qyzylorda baǵytynan, 15 ga – Kentaý baǵytynan, 18 ga – Sháýildir baǵytynda. Atalǵan aimaqtardaǵy jer telimderin zańdastyryp retteý baǵytyndaǵy jumystary júrgizilýde.
Qyzylorda jáne Sháýildir baǵytyndaǵy jer telimderinde ornalasqan jer paidalanýshylar tizimine sáikes, memlekettik muqtajdyǵy úshin qaitarý jumystary júrgizilýde.
Al, Kentaý baǵytyndaǵy «Saýda keshenine» belgilengen alań tolyǵymen bos bolǵandyqtan, zamanaýi talapqa sai keletin saýda alańyn uiymdastyrý maqsatynda qala ákimdiginiń 26 sáýir 2019 j №443 qaýlysymen «Túrkistan» ÁKK» aktsionerlik qoǵamyna Kentaý tas joly boiynan «Saýda kesheni» qurylysy úshin 15 ga jer telimi turaqty paidalanýǵa berilgen.
Osyǵan orai, «Túrkistan» Áleýmettik kásipkerlik korporatsiiasy mamandarymen kezdesip, bazarlardy uiymdastyrý alańyn infraqurylymmen qamtamasyz etý máselesi talqylanyp, prezentatsiialyq materialdar daiyndalýda.
Bazarlar men saýda qatarlaryn qala syrtyna kóshirý úshin saýda nysan basshylaryna memorandým úlgisi usynylǵan.
Túrkistan qalasy ákiminiń baspasóz qyzmeti
