قالانىڭ ساۋلەتى مەن قۇرىلىس جوسپارلارىنا سايكەس، ساۋدا جۇيەسىنىڭ باسىم بولىگى مودەرنيزاسيالاۋدى قاجەت ەتەدى. تۇركىستان قالاسىندا ساۋدا قىزمەتىن رەتتەۋ جونىندەگى امالداردىڭ رەت-تارتىبى (الگوريتم دەيستۆيي) بەكىتىلىپ، ءبىرقاتار جۇمىستار اتقارىلىپ كەلەدى.
بۇگىنگى تاڭدا قولدانىستاعى ساۋدا الاڭدارى مەن بازارلاردى جانە ساۋدا نۇكتەلەرىن ءبىر جۇيەگە كەلتىرۋ ماقساتىندا قالا سىرتىنان قۇرىلىس ماتەريالدارىن، كيىم-كەشەك، ازىق-تۇلىك تاۋارلارىن ساۋدالايتىن بازارلار ءۇشىن 50 گەكتار جەر تەلىمى بەلگىلەنگەن. ونىڭ ىشىندە، 17 گا – قىزىلوردا باعىتىنان، 15 گا – كەنتاۋ باعىتىنان، 18 گا – ءشاۋىلدىر باعىتىندا. اتالعان ايماقتارداعى جەر تەلىمدەرىن زاڭداستىرىپ رەتتەۋ باعىتىنداعى جۇمىستارى جۇرگىزىلۋدە.
قىزىلوردا جانە ءشاۋىلدىر باعىتىنداعى جەر تەلىمدەرىندە ورنالاسقان جەر پايدالانۋشىلار تىزىمىنە سايكەس، مەملەكەتتىك مۇقتاجدىعى ءۇشىن قايتارۋ جۇمىستارى جۇرگىزىلۋدە.
ال، كەنتاۋ باعىتىنداعى «ساۋدا كەشەنىنە» بەلگىلەنگەن الاڭ تولىعىمەن بوس بولعاندىقتان، زاماناۋي تالاپقا ساي كەلەتىن ساۋدا الاڭىن ۇيىمداستىرۋ ماقساتىندا قالا اكىمدىگىنىڭ 26 ءساۋىر 2019 ج №443 قاۋلىسىمەن «تۇركىستان» اكك» اكسيونەرلىك قوعامىنا كەنتاۋ تاس جولى بويىنان «ساۋدا كەشەنى» قۇرىلىسى ءۇشىن 15 گا جەر تەلىمى تۇراقتى پايدالانۋعا بەرىلگەن.
وسىعان وراي، «تۇركىستان» الەۋمەتتىك كاسىپكەرلىك كورپوراسياسى ماماندارىمەن كەزدەسىپ، بازارلاردى ۇيىمداستىرۋ الاڭىن ينفراقۇرىلىممەن قامتاماسىز ەتۋ ماسەلەسى تالقىلانىپ، پرەزەنتاسيالىق ماتەريالدار دايىندالۋدا.
بازارلار مەن ساۋدا قاتارلارىن قالا سىرتىنا كوشىرۋ ءۇشىن ساۋدا نىسان باسشىلارىنا مەموراندۋم ۇلگىسى ۇسىنىلعان.
تۇركىستان قالاسى اكىمىنىڭ باسپا ءسوز قىزمەتى
