Onyń aitýynsha, komitet quzyretine kiretin túsimderdiń ósý qarqyny 17,2 mlrd. teńge artqan. Onyń ishinde, respýblikalyq biýdjet – 14,1 mlrd. teńgege artqan bolsa, jergilikti biýdjet túsimderi – 3,1 mlrd. teńgege ósken.
– Aǵymdaǵy jyldyń 5 jeltoqsanynda jinaqtalǵan málimetke sáikes, jyl qorytyndysymen respýblikalyq biýdjet jospary 5,9 mlrd.teńge artyǵymen oryndalady dep boljamdalyp otyr. Sondai-aq, jyl qorytyndysymen jalpy jergilikti biýdjettiń jospary 100,5 paiyz oryndalady dep mejelenýde, – dedi Erkin Keńesbekuly.
Memlekettik qyzmet kórsetý sapasyn kóterý boiynsha negizgi jumystar qyzmettiń elektrondy formatta kórsetilýne baǵyttalǵan. Atap aitqanda «Elektrondyq úkimet» veb-portaly men «Salyq tóleýshi kabineti» veb-qosymshasy júieleriniń jumys jasaýy elektrondy túrde qyzmet alýdyń úlesin aitarlyqtai arttyryp otyr.
Máselen, «Salyq tóleýshi kabineti» veb-qosymshasynda bet esepterin kórý, salystyrý aktisin alý, bet esep kóshirmesin alý, salyq eseptiligi nysanyn daiyndaý jáne tapsyrý, salyq rejimin tańdaý jáne qoldaný úshin habarlama berý siiaqty kóptegen qyzmetterdi alýǵa bolady.
«Elektrondy túrde qyzmet alýǵa arnaiy barlyq aýmaqtyq basqarmalar ǵimarattarynda jáne aýyldyq ákimshilikterde «Salyq tóleýshi terminaly» ornatylǵan. Al elektrondy túrde qyzmet alýǵa múmkindigi joq salyq tóleýshiler aýmaqtyq kirister organdaryna baryp, barlyq aýmaqtyq basqarmalarda jumys jasaityn «Aqparattardy qabyldaý, óńdeý jáne berý» ortalyqtarynan qyzmet alýyna bolady. Bul jerde de sybailas jemqorlyqty boldyrmaý úshin «Bos tereze» qaǵidasymen qyzmet kórsetý qarastyrylǵan», – dedi Erkin Elshibekov.
Sonymen qatar, qazirgi tańda kez-kelgen salyq tóleýshi azamat aýmaqtyq memlekettik kirister basqarmalaryna salyqtyń eseptelýi, tólenýi, jer, múlik jáne kólik salyqtary boiynsha «WhatsApp» messendjeri arqyly suraq qoiyp, aqparat alýyna bolady. Atalǵan qyzmetti paidalaný úshin dúisenbi-juma kúnderi saǵat 09-00 ben 18-30 aralaǵynda 8 771 898 9255 nómirine saýal joldaidy. Budan ózge, www.kgd.gov.kz internet resýrsy jáne «Elektrondy úkimet» portaly «Salyq bereshektiń joqtyǵy týraly aqparat» elektrondy servisi arqyly onlain rejiminde JSN boiynsha salyq bereshektiń bar-joqtyǵy jaily aqparat alýǵa bolady.
Túrkistan oblysynyń óńirlik kommýnikatsiialar qyzmeti
