ونىڭ ايتۋىنشا، كوميتەت قۇزىرەتىنە كىرەتىن تۇسىمدەردىڭ ءوسۋ قارقىنى 17،2 ملرد. تەڭگە ارتقان. ونىڭ ىشىندە، رەسپۋبليكالىق بيۋدجەت – 14،1 ملرد. تەڭگەگە ارتقان بولسا، جەرگىلىكتى بيۋدجەت تۇسىمدەرى – 3،1 ملرد. تەڭگەگە وسكەن.
– اعىمداعى جىلدىڭ 5 جەلتوقسانىندا جيناقتالعان مالىمەتكە سايكەس، جىل قورىتىندىسىمەن رەسپۋبليكالىق بيۋدجەت جوسپارى 5،9 ملرد.تەڭگە ارتىعىمەن ورىندالادى دەپ بولجامدالىپ وتىر. سونداي-اق، جىل قورىتىندىسىمەن جالپى جەرگىلىكتى بيۋدجەتتىڭ جوسپارى 100،5 پايىز ورىندالادى دەپ مەجەلەنۋدە، – دەدى ەركىن كەڭەسبەك ۇلى.
مەملەكەتتىك قىزمەت كورسەتۋ ساپاسىن كوتەرۋ بويىنشا نەگىزگى جۇمىستار قىزمەتتىڭ ەلەكتروندى فورماتتا كورسەتىلۋنە باعىتتالعان. اتاپ ايتقاندا «ەلەكتروندىق ۇكىمەت» ۆەب-پورتالى مەن «سالىق تولەۋشى كابينەتى» ۆەب-قوسىمشاسى جۇيەلەرىنىڭ جۇمىس جاساۋى ەلەكتروندى تۇردە قىزمەت الۋدىڭ ۇلەسىن ايتارلىقتاي ارتتىرىپ وتىر.
ماسەلەن، «سالىق تولەۋشى كابينەتى» ۆەب-قوسىمشاسىندا بەت ەسەپتەرىن كورۋ، سالىستىرۋ اكتىسىن الۋ، بەت ەسەپ كوشىرمەسىن الۋ، سالىق ەسەپتىلىگى نىسانىن دايىنداۋ جانە تاپسىرۋ، سالىق رەجيمىن تاڭداۋ جانە قولدانۋ ءۇشىن حابارلاما بەرۋ سياقتى كوپتەگەن قىزمەتتەردى الۋعا بولادى.
«ەلەكتروندى تۇردە قىزمەت الۋعا ارنايى بارلىق اۋماقتىق باسقارمالار عيماراتتارىندا جانە اۋىلدىق اكىمشىلىكتەردە «سالىق تولەۋشى تەرمينالى» ورناتىلعان. ال ەلەكتروندى تۇردە قىزمەت الۋعا مۇمكىندىگى جوق سالىق تولەۋشىلەر اۋماقتىق كىرىستەر ورگاندارىنا بارىپ، بارلىق اۋماقتىق باسقارمالاردا جۇمىس جاسايتىن «اقپاراتتاردى قابىلداۋ، وڭدەۋ جانە بەرۋ» ورتالىقتارىنان قىزمەت الۋىنا بولادى. بۇل جەردە دە سىبايلاس جەمقورلىقتى بولدىرماۋ ءۇشىن «بوس تەرەزە» قاعيداسىمەن قىزمەت كورسەتۋ قاراستىرىلعان»، – دەدى ەركىن ەلشىبەكوۆ.
سونىمەن قاتار، قازىرگى تاڭدا كەز-كەلگەن سالىق تولەۋشى ازامات اۋماقتىق مەملەكەتتىك كىرىستەر باسقارمالارىنا سالىقتىڭ ەسەپتەلۋى، تولەنۋى، جەر، مۇلىك جانە كولىك سالىقتارى بويىنشا «WhatsApp» مەسسەندجەرى ارقىلى سۇراق قويىپ، اقپارات الۋىنا بولادى. اتالعان قىزمەتتى پايدالانۋ ءۇشىن دۇيسەنبى-جۇما كۇندەرى ساعات 09-00 بەن 18-30 ارالاعىندا 8 771 898 9255 نومىرىنە ساۋال جولدايدى. بۇدان وزگە، www.kgd.gov.kz ينتەرنەت رەسۋرسى جانە «ەلەكتروندى ۇكىمەت» پورتالى «سالىق بەرەشەكتىڭ جوقتىعى تۋرالى اقپارات» ەلەكتروندى سەرۆيسى ارقىلى ونلاين رەجىمىندە جسن بويىنشا سالىق بەرەشەكتىڭ بار-جوقتىعى جايلى اقپارات الۋعا بولادى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
