Túrkistanda Halyq qaharmany Raqymjan Qoshqarbaevtyń 100 jyldyǵyna arnalǵan merekelik is-shara ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Halyq qaharmany Raqymjan Qoshqarbaevtyń 100 jyldyǵyn atap ótý maqsatynda uiymdastyrylǵan sharaǵa oblys ákiminiń orynbasary Ertai Altaev qatysyp, búgingi sharanyń mańyzdylyǵyna toqtaldy.
– Búgin biz uly tulǵa, Halyq qaharmany Raqymjan Qoshqarbaevtyń 100 jyldyq mereitoiyn atap ótý úshin jinaldyq. Bul shara – batyrymyzdyń erligin, otanshyldyq rýhyn jáne halqymyz úshin sińirgen eńbegin eske alý, ári jastarǵa úlgi kórsetý.
Búgingi is-shara – Raqymjan Qoshqarbaevtyń murasyn máńgi saqtaý, onyń atymen bailanysty tarihi oqiǵalardy jańǵyrtý, bolashaq urpaqqa jetkizý úshin mańyzdy sát. Biz ony umytpai, jadymyzda saqtaýǵa mindettimiz, – dedi Ertai Kenjebekuly.
Merekelik is-shara aiasynda «AMANAT» partiiasy Túrkistan oblystyq filialy, Túrkistan oblystyq qorǵanys isteri jónindegi departamenti, «Túrkistan oblystyq ártúrli deńgeidegi ardagerlerdi Úilestirý keńesi» qoǵamdyq birlestigi jáne oblys ákimdigi tarapynan memorandýmǵa qol qoiý rásimi ótti.
Memorandýmnyń maqsaty – olystaǵy ártúrli deńgeidegi Ardagerlerdiń ózara birligin nyǵaitý, «Ardager» degen qurmetti esimniń mártebesin kóterý, ulaǵatty ómir jolyn óskeleń urpaqqa úlgi etý, dástúr sabaqtastyǵy men ulttyq qundylyqtaryn saqtaý.
