Túrkistan qalasynda qurylys zańdylyǵyn saqtamaǵan 14 ǵımarat sot sheshimimen buzyldy, - dep habarlaıdy Dalanews.kz.
Túrkistan qalasy kún sanap damyp, jańa nysandar boı kóterip keledi. Alaıda kez kelgen qurylys zań talaptaryna saı júrgizilýi tıis. Túrkistan qalasy ákimdiginiń Sáýlet jáne qala qurylysy bóliminiń basshysy Muhıt Kóshenov jobalaýshy uıymdar, tehnıkalyq qadaǵalaýshylar jáne merdigerlermen kezdesip, qurylys salasyndaǵy ózekti máselelerdi talqylady.
Qurylys – tek qala kórki ǵana emes, eń aldymen turǵyndardyń qaýipsizdigi. Sondyqtan zańsyz jáne ruqsatsyz salynyp jatqan nysandarǵa qatań baqylaý júrgizilýde. Monıtorıń jáne baqylaý jumystarynyń nátıjesinde myna derekter anyqtaldy:
112 kásipkerlik nysan tolyq aıaqtalmaı paıdalanýǵa berilgen. Olardyń basym bóligi Táýke han dańǵyly, Táýelsizdiktiń 10 jyldyǵy kóshesi, S.Qojanov, S.Erýbaev kósheleri men Qyzylorda jáne Kentaý tas joldary boıynda ornalasqan. Sot sheshimimen 14 nysan buzylsa, salynǵan ákimshilik aıyppul – 29 942 120 teńge (7475 AEK).
Túrkistan oblysy ákiminiń baspasóz qyzmeti
Qurylys salý úshin qajet qujattar tizimi:
- Jer teliminiń qujaty – nysan salýǵa ruqsat beretin akt.
- Sáýlet-josparlaý tapsyrmasy – qala qurylysyna sáıkestigin aıqyndaıtyn joba.
- Eskızdik joba – ǵımarattyń bastapqy syzbasy.
- Saraptamadan ótken jumys jobasy – sapa men qaýipsizdikti rastaıtyn qujat.
- Qurylys-montaj jumystaryn bastaýǵa ruqsat – mindetti memlekettik ruqsat qaǵazy.
