Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistanda qoǵamdyq kólikter jańarýda

Dalanews
Túrkistanda qoǵamdyq kólikter jańarýda
Túrkistanda qoǵamdyq baǵyttaǵy kólikter jyl sońyna deiin tolyǵymen úlken avtobýstarǵa almastyrylmaq. Qazirgi ýaqytta 25 mln teńge turatyn «Yutong» markaly 11 avtobýs  halyq igiligine qyzmet kórsetýge daiyn. Tipti sý jańa kólikter №4 «A» jáne №30 baǵyttarǵa shyǵaryldy. Erteńgi kúnnen bastap qalǵan avtobýstar №4, №5, №7, №10 №31 baǵytynda jolaýshylardy tasymaldaityn bolady.

«Kestege sai kúndelikti 270 qoǵamdyq kólik túrkistandyqtarǵa qyzmet kórsetedi. Sapaly qyzmet, turǵyndarǵa jailylyq syilaý maqsatynda shaǵyn avtobýstardyń ornyna Qytai HR-nan 2018 jyly shyǵarylǵan úlken avtobýstar satyp aldyq. Eýro-5 úlgidegi, iaǵni taza ekologiialyq avtobýstardyń siymdylyǵy 54 orynǵa laiyqtalǵan. Mamyr aiynda taǵy da 10 avtobýsqa qol jetkizemiz dep josparlap otyrmyz», – dedi «Jolaýshy» JShS mekemesiniń atqarýshy direktory Medetbek Jumageldiuly.

Jaǵymdy jańalyq eleń etkizgenimen «Jolaqy baǵasy ózgeredi me?» degen saýal týyndaityny anyq. Bul jóninde qalalyq «Jolaýshylar kóligi jáne avtomobil joldary» MM-niń basshysy Baidýlla Orazbekov jolaqy qymbattaidy dep alańdaýǵa esh negiz joq ekendigin aitty.

 

Túrkistan qalasy ákiminiń baspasóz qyzmeti

 
Túrkistan qalasy mamyr Eýro-5 Yutong Madina Sádýaqasova

Oqi otyryńyz