تۇركىستاندا قوعامدىق باعىتتاعى كولىكتەر جىل سوڭىنا دەيىن تولىعىمەن ۇلكەن اۆتوبۋستارعا الماستىرىلماق. قازىرگى ۋاقىتتا 25 ملن تەڭگە تۇراتىن «Yutong» ماركالى 11 اۆتوبۋس  حالىق يگىلىگىنە قىزمەت كورسەتۋگە دايىن. ءتىپتى سۋ جاڭا كولىكتەر №4 «ا» جانە №30 باعىتتارعا شىعارىلدى. ەرتەڭگى كۇننەن باستاپ قالعان اۆتوبۋستار №4، №5، №7، №10 №31 باعىتىندا جولاۋشىلاردى تاسىمالدايتىن بولادى.

«كەستەگە ساي كۇندەلىكتى 270 قوعامدىق كولىك تۇركىستاندىقتارعا قىزمەت كورسەتەدى. ساپالى قىزمەت، تۇرعىندارعا جايلىلىق سىيلاۋ ماقساتىندا شاعىن اۆتوبۋستاردىڭ ورنىنا جۇڭگو حر-نان 2018 جىلى شىعارىلعان ۇلكەن اۆتوبۋستار ساتىپ الدىق. ەۋرو-5 ۇلگىدەگى، ياعني تازا ەكولوگيالىق اۆتوبۋستاردىڭ سيىمدىلىعى 54 ورىنعا لايىقتالعان. مامىر ايىندا تاعى دا 10 اۆتوبۋسقا قول جەتكىزەمىز دەپ جوسپارلاپ وتىرمىز»، – دەدى «جولاۋشى» ج ش س مەكەمەسىنىڭ اتقارۋشى ديرەكتورى مەدەتبەك جۇماگەلدى ۇلى.

جاعىمدى جاڭالىق ەلەڭ ەتكىزگەنىمەن «جولاقى باعاسى وزگەرەدى مە؟» دەگەن ساۋال تۋىندايتىنى انىق. بۇل جونىندە قالالىق «جولاۋشىلار كولىگى جانە اۆتوموبيل جولدارى» ءمم-نىڭ باسشىسى بايدۋللا ورازبەكوۆ جولاقى قىمباتتايدى دەپ الاڭداۋعا ەش نەگىز جوق ەكەندىگىن ايتتى.

 

تۇركىستان قالاسى اكىمىنىڭ باسپا ءسوز قىزمەتى