Túrkistanda Qazaqstan máslihattarynyń 30 jyldyǵyna arnalǵan «Ádiletti Qazaqstandy qurýda máslihattardyń róli: tarih, búgin jáne bolashaq» atty ǵylymi-praktikalyq konferentsiia ótti. Oǵan qoǵam qairatkerleri, Parlament Senaty men Májilisiniń depýtattary, máslihattyń burynǵy tóraǵalary, ardagerler, Túrkistan óńiriniń depýtattary qatysty. Mańyzdy jiynda Túrkistan oblysynyń ákimi Darhan Satybaldy depýtattardy jáne kópshilikti Qazaqstan máslihattarynyń 30 jyldyǵymen quttyqtady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Alash arysy Ahmet Baitursynulynyń «Ult jumysy – úlken jumys: úlken jumysqa kóp jumysker kerek» degen qanatty sózi bar. Bul rette Túrkistan oblysyndaǵy oblystyq jáne jergilikti máslihattardyń qoǵamdaǵy róli joǵary. Sizder óńirdiń damýyna úles qosyp, eńbek etip kelesizder. Memleket basshysy Qasym-Jomart Kemeluly máslihattar men jergilikti atqarýshy organdarǵa elmen, túrli qoǵamdyq uiymdarmen dialog ornatyp, halyqtyń muń-muqtajyn birlese sheshýdi tapsyrdy.
Bul – Siz ben bizdiń ortaq mindetimiz. Óńirde investitsiia tartý, óndiris oryndaryn ashýǵa basymdyq berilýde. Oblystaǵy jergilikti máslihattarda 300-den astam depýtat eńbek etýde. Olardyń arasynda aýyl sharýashylyǵy, bilim, densaýlyq jáne ózge salalardyń ókilderi bar, al basym bóligin kásipkerler quraidy. Osy rette, investitsiia tartýǵa, halyqty kásipkerlikke baýlýǵa depýtattarymyz da óz úlesterin qosýy kerek. Depýtatqa bilim, minez, eń bastysy otanshyldyq qajet. Óńirdegi 2 millionnan astam halyqtyń, 1 millionnan astam sailaýshynyń senimin aqtaý – úlken jaýapkershilik. Bárimiz birge Túrkistan óńiriniń múddesin qorǵap, oblysty damytý baǵytynda jumys atqara beremiz. Barshańyzdy mereitoimen quttyqtai otyryp, jumystaryńyzǵa tabys tileimin, – dedi Darhan Satybaldy.
Qoja Ahmet Iasaýi atyndaǵy HQTÝ rektory Janar Temirbekova moderatorlyq etken konferentsiiada máslihattyń róli, depýtattardyń belsendiligin arttyrý jáne ózge de máseleler boiynsha baiandamalar jasalyp, utymdy oilar aityldy.
Spikerler qatarynda QR Ulttyq ǵylym akademiiasynyń prezidenti Murat Jurynov, «Qazaqstan máslihattary depýtattary birlestigi» RQB tóraǵasy Tóleýbek Muqashev, Túrkiianyń Memlekettik basqarý professory Harýn Kyrylmaz baiandama jasap, keleli oilaryn aitty. Túrkistan oblystyq máslihatynyń tóraǵasy Nuraly Ábishev máslihattardyń qazirgi jai-kúii men atqarǵan jumystaryna toqtalyp, áriptesterin merekemen quttyqtady.
Qoǵam qairatkeri Orazkúl Asanǵazy men Qazaqstandaǵy parlamentarizmdi damytý qorynyń prezidenti Záýresh Battalova mazmundy oilaryn bólisip, depýtattarǵa júktelgen jaýapkershilik joǵary ekenin jetkizdi. Aýdan, qalalardan kelgen jergilikti máslihat depýtattaryna jiger beretin jáne tájiribesin shyńdaityn oilar aityp, jumystaryna sáttilik tiledi.
Konferentsiia sońynda osy jiynǵa qatysqan mártebeli meimandar men el aǵalary, depýtattar «Qazaqstan máslihattaryna – 30 jyl» alleiasyna shynar aǵashynyń kóshetterin otyrǵyzdy.
