Túrkistanda qazaq tilin damytýǵa qatysty seminar ótedi
Onda Qazaqstan Halqy Assambleiasy ǵylymi-saraptama keńesiniń múshesi, saiasatker Dos Kóshim memlekettik tildiń mártebesi jaiynda sóz qozǵady. Onyń pikirinshe, memlekettik tildiń mártebesin kóterý úshin qoǵamnyń osy máselege kelgende belsendiligi joǵary bolýy kerek.
– Keńes úkimetiniń shekpeninen bosap shyqqan elderdiń arasynda memlekettik tildiń mártebesin kóterý jaǵynan kemshin tustarymyzdyń bary jasyryn emes. Bul olqylyqtyń ornyn toltyrý úshin qoǵam bolyp atsalysý kerek. Iaǵni, memleket tarapynan qazaq tiline jasalyp otyrǵan jaǵdaidy durys paidalanýymyz kerek. Sońǵy kezderi qoǵamda jii aitylyp júrgen máseleniń biri memlekettik tildi kóterý. Áleýmettik jelilerde, jiyndarda túrli usynystar men pikirler aitylyp jatady. Biraq, is júzine kelgende eshkim bas aýyrtqysy kelmeidi. Meniń aitqym kelgeni qoǵamda memlekettik tilge degen suranysty arttyrý kerek. Azamattar tarapynan qajettilik bolmasa, bul másele sol kúii qala bermek, – dedi Dos Kóshim.
Sondai-aq, jiynda qazaq tilin latyn qarpine kóshirý jaiy da sóz boldy. Jyldyń sońyna qarai latyn áripterine yńǵailastyrylǵan jańa álipbi qabyldanatynyn aitqan brifingke qatysýshylar osy máselege de beijai qaramaý kerek ekenin jetkizdi. Ǵalymdarmen ótken jiyndarda usynystardy ortaǵa salyp, belsendilik tanytý kerektigi aityldy.
Jiyn sońynda 2018 jyldyń 15-17 qazan kúnderi Túrkistan, Kentaý, Arys, Shymkent qalalarynda «Qazaqstannyń bolashaǵy – qazaq tilinde» atty respýblikalyq seminardyń ótetindigi habarlandy.
Túrkistan oblysy ákiminiń baspasóz qyzmeti
