تٷركٸستاندا قازاق تٸلٸن دامىتۋعا قاتىستى سەمينار ٶتەدٸ
وندا قازاقستان حالقى اسسامبلەياسى عىلىمي-ساراپتاما كەڭەسٸنٸڭ مٷشەسٸ, ساياساتكەر دوس كٶشٸم مەملەكەتتٸك تٸلدٸڭ مەرتەبەسٸ جايىندا سٶز قوزعادى. ونىڭ پٸكٸرٸنشە, مەملەكەتتٸك تٸلدٸڭ مەرتەبەسٸن كٶتەرۋ ٷشٸن قوعامنىڭ وسى مەسەلەگە كەلگەندە بەلسەندٸلٸگٸ جوعارى بولۋى كەرەك.
– كەڭەس ٷكٸمەتٸنٸڭ شەكپەنٸنەن بوساپ شىققان ەلدەردٸڭ اراسىندا مەملەكەتتٸك تٸلدٸڭ مەرتەبەسٸن كٶتەرۋ جاعىنان كەمشٸن تۇستارىمىزدىڭ بارى جاسىرىن ەمەس. بۇل ولقىلىقتىڭ ورنىن تولتىرۋ ٷشٸن قوعام بولىپ اتسالىسۋ كەرەك. ياعني, مەملەكەت تاراپىنان قازاق تٸلٸنە جاسالىپ وتىرعان جاعدايدى دۇرىس پايدالانۋىمىز كەرەك. سوڭعى كەزدەرٸ قوعامدا جيٸ ايتىلىپ جٷرگەن مەسەلەنٸڭ بٸرٸ مەملەكەتتٸك تٸلدٸ كٶتەرۋ. ەلەۋمەتتٸك جەلٸلەردە, جيىنداردا تٷرلٸ ۇسىنىستار مەن پٸكٸرلەر ايتىلىپ جاتادى. بٸراق, ٸس جٷزٸنە كەلگەندە ەشكٸم باس اۋىرتقىسى كەلمەيدٸ. مەنٸڭ ايتقىم كەلگەنٸ قوعامدا مەملەكەتتٸك تٸلگە دەگەن سۇرانىستى ارتتىرۋ كەرەك. ازاماتتار تاراپىنان قاجەتتٸلٸك بولماسا, بۇل مەسەلە سول كٷيٸ قالا بەرمەك, – دەدٸ دوس كٶشٸم.
سونداي-اق, جيىندا قازاق تٸلٸن لاتىن قارپٸنە كٶشٸرۋ جايى دا سٶز بولدى. جىلدىڭ سوڭىنا قاراي لاتىن ەرٸپتەرٸنە ىڭعايلاستىرىلعان جاڭا ەلٸپبي قابىلداناتىنىن ايتقان بريفينگكە قاتىسۋشىلار وسى مەسەلەگە دە بەيجاي قاراماۋ كەرەك ەكەنٸن جەتكٸزدٸ. عالىمدارمەن ٶتكەن جيىنداردا ۇسىنىستاردى ورتاعا سالىپ, بەلسەندٸلٸك تانىتۋ كەرەكتٸگٸ ايتىلدى.
جيىن سوڭىندا 2018 جىلدىڭ 15-17 قازان كٷندەرٸ تٷركٸستان, كەنتاۋ, ارىس, شىمكەنت قالالارىندا «قازاقستاننىڭ بولاشاعى – قازاق تٸلٸندە» اتتى رەسپۋبليكالىق سەميناردىڭ ٶتەتٸندٸگٸ حابارلاندى.
تٷركٸستان وبلىسى ەكٸمٸنٸڭ باسپاسٶز قىزمەتٸ
