Túrkistanda Qarjylyq monitoring agenttiginiń úilestirýimen, Túrkistan oblysy boiynsha Ekonomikalyq tergep-tekserý departamentiniń uiymdastyrýymen «Zań men tártip. Ekonomikalyq qaýipsizdik: «Qarjylyq saýattylyqty arttyrý jáne táýeldilikpen kúres» respýblikalyq forýmy ótip jatyr, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Forýmnyń maqsaty – halyq arasynda qarjylyq monitoring organdarynyń oń imidjin qalyptastyrý, «AML ACADEMY» qarjylyq monitoring akademiiasynyń áleýetin kóterý, halyqtyń qarjylyq saýattylyǵyn arttyrý, jastar arasynda quqyqtyq aqparattyq tsifrlyq mádenietin qalyptastyrý, oiynqumarlyqpen qarjylyq piramidalardyń aldyn-alý jáne kibergigienany saqtaý ádetin qalyptastyrý.
Forýmǵa qala ákimi, QR Qarjylyq monitoring agenttiginiń ókilderi, quqyq qorǵaý organdarynyń qyzmetkerleri, jergilikti máslihat depýtattary, qoǵam belsendileri, joǵarǵy jáne orta arnaýly oqý oryndarynyń stýdentteri, qoǵamdyq pikir kóshbasshylary, sportshylar, «Jastar resýrstyq ortalyqtary», Ekonomikalyq tergep-tekserý qyzmetiniń volonterlary, QR Mádeniet qairatkerleri, tanymal kino jáne teatr juldyzdary, media tulǵalar, oqytýshy-professorlar, din ókilderi qatysty.
Forýmda Túrkistan oblysy ákiminiń orynbasary Ertai Altaev pen Túrkistan oblysy boiynsha Ekonomikalyq tergep-tekserý departamentiniń basshysy Erbolat Balǵabaev sóz sóilep, jastardy jat ádetterden aýlaq bolýǵa shaqyrdy.
Túrkistan oblysy aýmaǵynda ornalasqan 1000 mektep jáne 50 kolledjdiń 500 myńnan astam shákirti bir mezette ózderiniń lýdomaniia jáne sintetikalyq esirtkige qarsy ekenderin jetkizip, chellendjdi elimizdiń ózge óńirlerine joldady.
Forým sońynda Túrkistan oblysynyń ekonomikalyq qaýipsizdigin saqtaýda eleýli eńbek etken azamattarǵa alǵys hattar men arnaiy syilyqtar tabystalady.
