Túrkistanda Qarataýdyń qos jazýshysyna qurmet kórsetildi
Kesh aiasynda Túrkistan qalasyndaǵy №21 jalpy orta mektebinde Táken Álimqulovtyń 100 jyldyǵyna orai mektep oqýshylarynyń qatysýymen shara jáne «Uly dalanyń dara danalary» atty kitap kórmesi uiymdastyryldy.
Al Túrkistan qalasy Q. A. Iassaýi atyndaǵy HQTÝ «Mádeniet úiinde» ótken shara R.Seitmetov atyndaǵy Túrkistan sazdy drama teatrynyń ártisteri Táken men Asqar obrazynda óleń oqyp, «Qarataýdyń tól perzentteri» poetikalyq kompozitsiiasymen ashyldy.
Qarataýdyń qos talantty uldaryn eske alýǵa arnalǵan mereitoilyq keshte aqyn, Qazaqstan Jazýshylar odaǵy basqarmasy tóraǵasynyń orynbasary Baqyt Bedelhanuly men Qazaqstannyń Memlekettik jáne «Alash» Halyqaralyq ádebi syilyǵynyń laýreaty, aqyn, jazýshy Esenǵali Ábdijapparuly, sondai-aq Sheshen Respýblikasynyń Ult namysy ordeniniń iegeri, Sheshenstan Memlekettik jáne Qazaqstan Jazýshylar odaǵynyń I.Jansúgirov atyndaǵy syilyqtarynyń laýreaty, el moiyndaǵan kórnekti aqyn Rafael Niiazbekuly, Sozaq aýdanynyń ákimi Salyhan Sabyruly bastaǵan delegatsiia HQTÝ-niń stýdentteri, buqaralyq aqparat quraldary ókilderi qatysty.
Zamandas qalamgerler sóz zergerleriniń shyǵarmashylyǵy, qatar júrgen kezderi týraly estelikter aitty. Olardyń artynda qalǵan mol murasy, qazaq ádebietinde qaldyrǵan eńbekteri halyq úshin qundy dúniege ainalady deidi qalamgerler.
Keshke qatysqan oblys ákiminiń orynbasary Málik Otarbaev sóz sóilep, Táken Álimqulovtyń jubaiy Esimkúl Álimqulova men Asqar Súleimenovtiń uly Álisher Súleimenovke oblys basshysy J. Túimebaevtyń atynan syi-siiapatyn tabys etti. «Qulagerdei qalamgerlerdiń atyn ardaqtaý, qurmet tutyp qasterleý, biikke kóterý, mura etip qaldyrǵan altyn qazynalaryn keleshek urpaqqa jetkizý, barshamyzdyń paryzymyz. Ádebi shoǵyrda orny bólek sóz sáigúligi, qazaqtyń qara sóziniń zergeri atanǵan kórnekti jazýshy, aqyn Táken Álimqulovtyń týylǵanyna 100 jyl jáne de týmysy bólek tulǵa, ózgeshe daryn iesi Asqar Súleimenovtiń 80 jyldyǵyna arnalǵan mereili mereke Qazaqstan kóleminde atalyp ótýde. Elim dep eńsesin tiktegen, ultym dep uiqysy qashqan aitýly tulǵalardyń tuǵyry qashan da biik»,- dedi Málik Otarbaev. Shara sońy oblys ónerpazdarynyń kontserttik baǵdarlamasyna ulasty.
Túrkistan oblysy ákimi baspasóz qyzmeti.
