Túrkistanda «Parasatty politsei – 2019» baiqaýy ótti
– Bul baiqaýdyń negizgi maqsaty – QR Tuńǵysh Prezidenti N.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasyn iske asyrý, «Jastar jylyn» qoldaýǵa bailanysty, jas jáne bilikti politseilerdi tanytý, politsiia mamandyǵynyń deńgeiin ósirip, oń imidj qalyptastyrý. Sonymen qatar, eń mańyzdysy memlekettik tilimiz «qazaq tiliniń» mártebesin nyǵaitý, – dedi ol.
Baiqaýǵa qatysýshy politseiler jinalǵan qaýymǵa jan-jaqty, segiz qyrly bir syrly ekendigin tanytyp, óz ónerlerin, bilim-biliktiligin kórsetti. Sondai-aq, politseidiń de án shyrqap, bi bilep, ázil aitatyny, shyǵarmashylyqqa jaqyndyǵy jinalǵan jurtty súisindirdi.
«Parasatty politsei» baiqaýynyń qorytyndysynda ádil qazylar alqasynyń sheshimimen Bas júlde alǵan – Tólebi aýdanynan kelgen «Tólebi qyrandary» komandasy úzdik dep tanyldy. Birinshi oryndy – Arystyq «Arys aibyny» qanjyǵasyna bailasa, ekinshi oryndy – Jetisai APB-niń «Qyran» toby men Shardaranyń «Shardara – Shaǵala» komandalary ózara bólisti. Al úshinshi oryn – Saryaǵashtyń «Saryaǵash qyrandary» jáne Ordabasy APB-niń «Ordabasy qyrandary» komandalaryna buiyrdy. Buǵan qosa, 6 nominatsiia boiynsha ózge de komandalar jeńimpaz bolyp tanyldy.
Jalpy júldeli oryndar men nominatsiialarǵa ie bolǵan komandalarǵa baǵaly syilyqtar men diplom, alǵyshattar tabys etildi. Túrkistan oblystyq politsiia departamentiń «Parasatty politsei – 2019» baiqaýynda jeńimpaz dep tanylǵan «Tólebi qyrandary» komandasy respýblikalyq baiqaýǵa joldama utyp aldy.
Túrkistan oblysy Óńirlik kommýnikatsiialar qyzmeti
