– بۇل بايقاۋدىڭ نەگىزگى ماقساتى – ق ر تۇڭعىش پرەزيدەنتى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن ىسكە اسىرۋ، «جاستار جىلىن» قولداۋعا بايلانىستى، جاس جانە بىلىكتى پوليسەيلەردى تانىتۋ، پوليسيا ماماندىعىنىڭ دەڭگەيىن ءوسىرىپ، وڭ يميدج قالىپتاستىرۋ. سونىمەن قاتار، ەڭ ماڭىزدىسى مەملەكەتتىك ءتىلىمىز «قازاق ءتىلىنىڭ» مارتەبەسىن نىعايتۋ، – دەدى ول.
بايقاۋعا قاتىسۋشى پوليسەيلەر جينالعان قاۋىمعا جان-جاقتى، سەگىز قىرلى ءبىر سىرلى ەكەندىگىن تانىتىپ، ءوز ونەرلەرىن، بىلىم-بىلىكتىلىگىن كورسەتتى. سونداي-اق، پوليسەيدىڭ دە ءان شىرقاپ، بي بيلەپ، ءازىل ايتاتىنى، شىعارماشىلىققا جاقىندىعى جينالعان جۇرتتى ءسۇيسىندىردى.
«پاراساتتى پوليسەي» بايقاۋىنىڭ قورىتىندىسىندا ءادىل قازىلار القاسىنىڭ شەشىمىمەن باس جۇلدە العان – تولەبي اۋدانىنان كەلگەن «تولەبي قىراندارى» كومانداسى ۇزدىك دەپ تانىلدى. ءبىرىنشى ورىندى – ارىستىق «ارىس ايبىنى» قانجىعاسىنا بايلاسا، ەكىنشى ورىندى – جەتىساي ءاپب-نىڭ «قىران» توبى مەن شاردارانىڭ «شاردارا – شاعالا» كوماندالارى ءوزارا ءبولىستى. ال ءۇشىنشى ورىن – سارىاعاشتىڭ «سارىاعاش قىراندارى» جانە ورداباسى ءاپب-نىڭ «ورداباسى قىراندارى» كوماندالارىنا بۇيىردى. بۇعان قوسا، 6 نوميناسيا بويىنشا وزگە دە كوماندالار جەڭىمپاز بولىپ تانىلدى.
جالپى جۇلدەلى ورىندار مەن نوميناسيالارعا يە بولعان كوماندالارعا باعالى سىيلىقتار مەن ديپلوم، العىسحاتتار تابىس ەتىلدى. تۇركىستان وبلىستىق پوليسيا دەپارتامەنتىڭ «پاراساتتى پوليسەي – 2019» بايقاۋىندا جەڭىمپاز دەپ تانىلعان «تولەبي قىراندارى» كومانداسى رەسپۋبليكالىق بايقاۋعا جولداما ۇتىپ الدى.
تۇركىستان وبلىسى وڭىرلىك كوممۋنيكاسيالار قىزمەتى
