25 qazan – Respýblika kúni qarsańynda Túrkistan oblystyq «Jastar resýrstyq ortalyǵy» KMM-niń uiymdastyrýymen JOO stýdentteri arasynda «Pikirsaiys – kóshbasshylar alańy» atty Túrkistan oblysy ákiminiń kýbogine arnalǵan respýblikalyq týrniri ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Týrnirdiń maqsaty – jastardyń oratorlyq qabiletin, sóz sheberligin, belgili bir faktilerdi zertteýge, óz kózqarasyn júieli túrde dáleldeýge jáne baǵytyn durys usynýǵa úiretý, elimizdegi ulttyq mereke respýblika kúnin joǵary deńgeide atap ótý. Jastar arasynda atalmysh merekeniń máni men mańyzyn uǵyndyrý, Otanǵa, týǵan jerge degen jastardyń súiispenshiligin arttyrý.
Respýblika kúnin Túrkistan oblystyq «Jastar resýrstyq ortalyǵy» KMM-niń basshysynyń orynbasary Perdebek Esqulov ashyp, saiysqa qatysýshylarǵa sáttilik tiledi.
Túrkistan óńirinde ekinshi jyl qatarynan ótkizilip otyrǵan týrnirge respýblikamyzdyń ár óńirinen kelgen qatysýshylar qatysyp, ózara baq synasty. Barlyq pikirsaiysshylar birinshi kúni irikteý kezeńderine berilgen taqyryptardy talqylap, týrnirdiń ekinshi kúni finaldyq kezeńge joldama alý úshin ózara myqtyny anyqtady. Eki kúnge sozylǵan APF jáne LD formattarynda ótken týrnirge Almaty, Túrkistan oblystary men Shymkent qalasynyń pikirsaiysshylary, jalpy 28 fraktsiia qatysty.
Respýblikalyq týrnirge qatysqan pikirsaiysshylar birinshi kúni irikteý kezeńderine berilgen taqyryptar tóńireginde óz ideialaryn qorǵap, 1/8, 1/4, 1/2 jáne finaldyq kezeńge joldama alý úshin ózara myqtyny anyqtady. Irikteý kezeńinen ótip, finaldyq kezeńge joldama alǵan fraktsiialar ózderiniń utymdy oilarymen erekshe áser syilady.
Týrnir nátijesi tómendegidei:
Bas júlde - «Kenesary» fraktsiiasy
Ábilqan Meiirbek, Smaǵul Arailym (Túrkistan oblysy) 400.000 teńge
1 oryn - «Aishýaq han» fraktsiiasy. Abdinasiruly Beksultan, Muratuly Asyljan (Almaty oblysy) 300.000 teńge
2 oryn - «Jáńgir han» fraktsiiasy. Abdýlla Janbolat, Qaldibaev Raýan (Shymkent qalasy) 200.000 teńge
3 oryn - «Esim han» fraktsiiasy. Eraly Shuǵyla, Abdihan Aqbota (Shymkent qalasy) 100.000 teńge
«Eń úzdik tóreshi» - Qanjigit Saǵi
«Úzdik tóreshi» - Tóreqanov Jaidarbek
«Eń úzdik spiker» - Smaǵul Arailym (50.000 teńge)
«Úzdik spiker» - Abdýrashidova Mehriniso
Respýblikanyń ár óńirinen jinalǵan týrnir jeńimpazdaryna alǵys hattar, qarjylai syilyqtar men kýboktar tabystaldy.
