25 قازان – رەسپۋبليكا كۇنى قارساڭىندا تۇركىستان وبلىستىق «جاستار رەسۋرستىق ورتالىعى» كمم-نىڭ ۇيىمداستىرۋىمەن جوو ستۋدەنتتەرى اراسىندا «پىكىرسايىس – كوشباسشىلار الاڭى» اتتى تۇركىستان وبلىسى اكىمىنىڭ كۋبوگىنە ارنالعان رەسپۋبليكالىق ءتۋرنيرى ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

ءتۋرنيردىڭ ماقساتى – جاستاردىڭ وراتورلىق قابىلەتىن، ءسوز شەبەرلىگىن، بەلگىلى ءبىر فاكتىلەردى زەرتتەۋگە، ءوز كوزقاراسىن جۇيەلى تۇردە دالەلدەۋگە جانە باعىتىن دۇرىس ۇسىنۋعا ۇيرەتۋ، ەلىمىزدەگى ۇلتتىق مەرەكە رەسپۋبليكا كۇنىن جوعارى دەڭگەيدە اتاپ ءوتۋ. جاستار اراسىندا اتالمىش مەرەكەنىڭ ءمانى مەن ماڭىزىن ۇعىندىرۋ، وتانعا، تۋعان جەرگە دەگەن جاستاردىڭ سۇيىسپەنشىلىگىن ارتتىرۋ. 

رەسپۋبليكا كۇنىن تۇركىستان وبلىستىق «جاستار رەسۋرستىق ورتالىعى» كمم-نىڭ باسشىسىنىڭ ورىنباسارى پەردەبەك ەسقۇلوۆ اشىپ، سايىسقا قاتىسۋشىلارعا ساتتىلىك تىلەدى.

تۇركىستان وڭىرىندە ەكىنشى جىل قاتارىنان وتكىزىلىپ وتىرعان تۋرنيرگە رەسپۋبليكامىزدىڭ ءار وڭىرىنەن كەلگەن قاتىسۋشىلار قاتىسىپ، ءوزارا ب ا ق سىناستى. بارلىق پىكىرسايىسشىلار ءبىرىنشى كۇنى ىرىكتەۋ كەزەڭدەرىنە بەرىلگەن تاقىرىپتاردى تالقىلاپ، ءتۋرنيردىڭ ەكىنشى كۇنى فينالدىق كەزەڭگە جولداما الۋ ءۇشىن ءوزارا مىقتىنى انىقتادى. ەكى كۇنگە سوزىلعان اپف جانە LD فورماتتارىندا وتكەن تۋرنيرگە الماتى، تۇركىستان وبلىستارى مەن شىمكەنت قالاسىنىڭ پىكىرسايىسشىلارى، جالپى 28 فراكسيا قاتىستى.

رەسپۋبليكالىق تۋرنيرگە قاتىسقان پىكىرسايىسشىلار ءبىرىنشى كۇنى ىرىكتەۋ كەزەڭدەرىنە بەرىلگەن تاقىرىپتار توڭىرەگىندە ءوز يدەيالارىن قورعاپ، 1/8، 1/4، 1/2 جانە فينالدىق كەزەڭگە جولداما الۋ ءۇشىن ءوزارا مىقتىنى انىقتادى. ىرىكتەۋ كەزەڭىنەن ءوتىپ، فينالدىق كەزەڭگە جولداما العان فراكسيالار وزدەرىنىڭ ۇتىمدى ويلارىمەن ەرەكشە اسەر سىيلادى.

تۋرنير ناتيجەسى تومەندەگىدەي:

باس جۇلدە - «كەنەسارى» فراكسياسى

ءابىلقان مەيىربەك، سماعۇل ارايلىم (تۇركىستان وبلىسى) 400.000 تەڭگە

1 ورىن - «ايشۋاق حان» فراكسياسى. ابديناسير ۇلى بەكسۇلتان، مۇرات ۇلى اسىلجان (الماتى وبلىسى) 300.000 تەڭگە

2 ورىن - «جاڭگىر حان» فراكسياسى. ابدۋللا جانبولات، قالديبايەۆ راۋان (شىمكەنت قالاسى) 200.000 تەڭگە

3 ورىن - «ەسىم حان» فراكسياسى. ەرالى شۇعىلا، ابديحان اقبوتا (شىمكەنت قالاسى) 100.000 تەڭگە

«ەڭ ۇزدىك تورەشى» - قانجىگىت ساعي

«ۇزدىك تورەشى» - تورەقانوۆ جايداربەك

«ەڭ ۇزدىك سپيكەر» - سماعۇل ارايلىم (50.000 تەڭگە)

«ۇزدىك سپيكەر» - ابدۋراشيدوۆا مەحرينيسو

رەسپۋبليكانىڭ ءار وڭىرىنەن جينالعان تۋرنير جەڭىمپازدارىنا العىس حاتتار، قارجىلاي سىيلىقتار مەن كۋبوكتار تابىستالدى.