Jiynǵa ASK músheleri, kandidattardyń sailaýaldy shtabtarynyń ókilderi, BAQ ókilderi, elektoraldy jattyqtyrýshylar, múddeli memlekettik organ ókilderi, Eýropadaǵy qaýipsizdik jáne yntymaqtastyq uiymynyń ókilderi, «Daýys» qoǵamdyq baiqaýshylar koalitsiiasy» Respýblikalyq qoǵamdyq birlestiginiń Túrkistan oblysy filialynyń tóraǵasy qatysty.
Seminar-keńeske Qazaqstan Respýblikasy Ortalyq sailaý komissiiasynyń hatshysy Erman Muhtar moderator boldy. QR Ortalyq sailaý komissiiasynyń tóraǵasy N.Ábdirov sailaýǵa daiyndyq boiynsha baiandama jasady.
Túrkistan oblysy ákiminiń orynbasary Beisen Tájibaev oblysta sailaý naýqanyn ótkizý boiynsha júrgizilip jatqan jumystaryna toqtaldy.
– Búgingi kúnge oblystaǵy 17 aýdan, qala boiynsha 1 million 168 myń 658 sailaýshy, 941 sailaý ýchaskesi bar. Daýys berý kúni sailaý ýchaskelerinde 6984 baiqaýshy jumys isteidi dep josparlanyp otyr. Baiqaýshylar usynatyn 25 qoǵamdyq birlestik akkreditteýden ótken, – dep atap ótti Beisen Dáýletuly.
Aita keteiik, Túrkistan oblysy ákimdiginiń, 17 qala men aýdan ákimdikteriniń internet-resýrstarynda «Óz sailaý ýchaskeńdi tap» izdeý qyzmeti, sondai-aq, sailaýshylardy izdeýge arnalǵan telegramm boty (@tur_saylaw_bot) jumys isteidi.
Sailaý ýchaskeleri pandýstarmen, qosymsha jaraqtandyrý jáne taktildi belgilermen qamtylǵan. Sailaý kúni múgedektigi bar adamdarǵa oblys kóleminde 43 invataksi jáne 50 áleýmettik taksi qyzmet kórsetedi. Qosymsha qajettilik bolǵan jaǵdaida, sailaý ýchaskelerinde demeýshiler esebinen 60 kólik uiymdastyrylyp, estý qabileti nashar azamattar úshin sailaý ýchaskesine 114 ymdaý tili mamanynyń qyzmeti kórsetiletin bolady.
