جيىنعا اسك مۇشەلەرى، كانديداتتاردىڭ سايلاۋالدى شتابتارىنىڭ وكىلدەرى، ب ا ق وكىلدەرى، ەلەكتورالدى جاتتىقتىرۋشىلار، مۇددەلى مەملەكەتتىك ورگان وكىلدەرى، ەۋروپاداعى قاۋىپسىزدىك جانە ىنتىماقتاستىق ۇيىمىنىڭ وكىلدەرى، «داۋىس» قوعامدىق بايقاۋشىلار كواليسياسى» رەسپۋبليكالىق قوعامدىق بىرلەستىگىنىڭ تۇركىستان وبلىسى فيليالىنىڭ ءتوراعاسى قاتىستى.
سەمينار-كەڭەسكە قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى ەرمان مۇحتار مودەراتور بولدى. ق ر ورتالىق سايلاۋ كوميسسياسىنىڭ ءتوراعاسى ن.ءابدىروۆ سايلاۋعا دايىندىق بويىنشا بايانداما جاسادى.
تۇركىستان وبلىسى اكىمىنىڭ ورىنباسارى بەيسەن تاجىبايەۆ وبلىستا سايلاۋ ناۋقانىن وتكىزۋ بويىنشا جۇرگىزىلىپ جاتقان جۇمىستارىنا توقتالدى.
– بۇگىنگى كۇنگە وبلىستاعى 17 اۋدان، قالا بويىنشا 1 ميلليون 168 مىڭ 658 سايلاۋشى، 941 سايلاۋ ۋچاسكەسى بار. داۋىس بەرۋ كۇنى سايلاۋ ۋچاسكەلەرىندە 6984 بايقاۋشى جۇمىس ىستەيدى دەپ جوسپارلانىپ وتىر. بايقاۋشىلار ۇسىناتىن 25 قوعامدىق بىرلەستىك اككرەديتتەۋدەن وتكەن، – دەپ اتاپ ءوتتى بەيسەن داۋلەت ۇلى.
ودان كەيىن وڭىرلەردەگى ۇگىت-ناسيحات جۇمىستارىنىڭ وتكىزىلۋ بارىسى، ورىن العان زاڭبۇزۋشىلىقتار بويىنشا وبلىس پروكۋرورىنىڭ مىندەتىن اتقارۋشى سايان كەلدىبەكوۆ، «سايلاۋ ناۋقانى جانە داۋىس بەرۋ كۇنى قۇقىقتىق ءتارتىپتى قامتاماسىز ەتۋ» ماسەلەلەرى بويىنشا تۇركىستان وبلىسىنىڭ پوليسيا دەپارتامەنتى باستىعىنىڭ ءبىرىنشى ورىنباسارى باعلانبەك ايتپايەۆ بايانداما جاسادى.
ايتا كەتەيىك، تۇركىستان وبلىسى اكىمدىگىنىڭ، 17 قالا مەن اۋدان اكىمدىكتەرىنىڭ ينتەرنەت-رەسۋرستارىندا «ءوز سايلاۋ ۋچاسكەڭدى تاپ» ىزدەۋ قىزمەتى، سونداي-اق، سايلاۋشىلاردى ىزدەۋگە ارنالعان تەلەگرامم بوتى (@tur_saylaw_bot) جۇمىس ىستەيدى.
سايلاۋ ۋچاسكەلەرى پاندۋستارمەن، قوسىمشا جاراقتاندىرۋ جانە تاكتيلدى بەلگىلەرمەن قامتىلعان. سايلاۋ كۇنى مۇگەدەكتىگى بار ادامدارعا وبلىس كولەمىندە 43 ينۆاتاكسي جانە 50 الەۋمەتتىك تاكسي قىزمەت كورسەتەدى. قوسىمشا قاجەتتىلىك بولعان جاعدايدا، سايلاۋ ۋچاسكەلەرىندە دەمەۋشىلەر ەسەبىنەن 60 كولىك ۇيىمداستىرىلىپ، ەستۋ قابىلەتى ناشار ازاماتتار ءۇشىن سايلاۋ ۋچاسكەسىنە 114 ىمداۋ ءتىلى مامانىنىڭ قىزمەتى كورسەتىلەتىن بولادى.
