Armysyzdar, Qymbatty balalar! Búgin, Sizder, elimizde úrdiske aınalǵan “Prezıdent shyrshasyna” qatysýdasyzdar! Bul – Elbasy Nursultan Ábishuly Nazarbaevtyń Qazaqstannyń jarqyn bolashaǵy - Sizderge degen úlken qurmeti. Aıaýly jas dostar! Sizderdiń bilimdi, parasatty, jan-jaqty damyǵan tulǵa retinde qalyptasyp, zaman aǵymyna beıimdelgish, básekege qabiletti bolyp jetilýlerińiz úshin memleket barlyq múmkindikter men ıgi sharalardy atqarýda jáne atqaratyn bolady. Endigi tańdaıtyn joldaryńyz – ǵylym joly bolsyn! Bilim shyńynan kórinýge bet túzer bolsańyz, onda odan qaımyqpaı belińdi bekem bý. Óıtkeni, bilim men ǵylym joly – qyzyǵynan góri qıyndyǵy mol, asý bermes, asqarly beli bar, ótkel bermes asaý ózeni bar aýyr jol. Al, bizdiń táýelsiz elimizge aýyrdy aýyr dep qaıyspaı kóteretin, eńsesi bıik, óresi keń, dili taza, deni saý, kemeldengen aqyl oıly, parasatty jastar qajet. Men sizderdiń árqaısysyńyzdyń osyndaı azamat bolýǵa talaptanatynyńyzǵa senimim mol!", - dedi J.Túımebaev.
Elbasy atynan ár balaǵa noýtbýk, qystyq kıimder men tátti syılyqtar tabys etildi. Dástúrli túrde jyl saıyn memleket basshysy atynan uıymdastyrylatyn bul shara osy kúni, osy ýaqytta Qazaqstannyń barlyq óńirlerinde ótti. Oǵan óńirimizdegi ata-ana qamqorlyǵynsyz qalǵan, áleýmettik az qamtylǵan jáne kópbalaly otbasylardan shyqqan úzdik oqýshylar qatysty.
Ótip bara jatqan jyldy qorytsaq, 2018 jyl elimiz úshin erekshe de tarıhı oqıǵalarǵa toly jemisti jyl boldy.
Elbasynyń «Uly dalanyń jeti qyry» atty baǵdarlamalyq maqalasy aıasynda qazaq dalasynyń álemdik órkenıetke qosqan úlesin jastarǵa tolyq jetkize otyryp, qazaq halqynyń tarıhy men mádenıetiniń túrki dúnıesinde alatyn biregeı ornyn naqtylady. Sondyqtan árbir jastyń kókeıinde óz eline degen qurmet pen maqtanysh bolý kerek. Sebebi qazaqtyń Uly dalasy álemdik órkenıetke bastaýdyń otany. Álemdik órkenıettiń damýyna qazaq eli óziniń jylqy ónerimen, qyzǵaldaǵymen, Uly jibek jolynyń kúre tamyry bolýymen orasan úles qosty.
2017 jyly oblystyq búdjetten 748,0 mln.teńge qarjyǵa 128 mektepke robototehnıka kabınetteri satyp alyndy. Bul kabınetterde balalar kompúterlik baǵdarlamalaý daǵdylaryna, qarapaıym algorıtmder qurastyrýǵa, Web-saıt jáne kompúterlik oıyndar men anımasıalardy qurýdy evropalyq standarttarmen úırenedi. 2017 jyldan bastap oblysta «KazRobosport» chempıonaty men «KazRoboproject» ǵylymı-tehnıkalyq jobalar konkýrsy ótkizilýde. Chempıonat jeńimpazdary respýblıkalyq chempıonatqa qatysyp, komandalyq júldeli 2-oryndy ıelendi.
2018 jyly ulttyq biryńǵaı testileýdiń qorytyndysymen oblystyń orta baly – 79,6 baldy qurady. Bul kórsetkish 2017 jylmen salystyrǵanda 2,9 balǵa joǵary nátıjeni kórsetti (2017j – 76,7).
Elbasy N.Á.Nazarbaevtyń «Rýhanı jańǵyrý: Bolashaqqa baǵdar» maqalasy jobasy aıasynda oblys ortalyǵynda 2018 jylǵy 1 maýsym kúni ótken balalar men jastardyń mýzykalyq orkestrleri men ansámblderiniń kezekti Sherýi respýblıkalyq deńgeıde joǵarǵy baǵaǵa ıe boldy.
Qazaqstan Respýblıkasynyń mektep jáne kolej oqýshylary arasyndaǵy IX jazǵy spartakıadaǵa qatysqan Túrkistan oblysynyń oqýshylary jalpy komandalyq esepte birinshi orynǵa ıe boldy.
Tárbıelenýshilerimiz bilim saıysy boıynsha da oblystyń mereıin asqaqtatty. Naqtylap aıtsaq, jalpy bilim beretin pánder boıynsha ótken respýblıkalyq olımpıadada Túrkistan oblysynan qatysqan oqýshylardyń 25-i júldeger atandy.
