ارمىسىزدار، قىمباتتى بالالار! بۇگىن، سىزدەر، ەلىمىزدە ۇردىسكە اينالعان “پرەزيدەنت شىرشاسىنا” قاتىسۋداسىزدار! بۇل – ەلباسى نۇرسۇلتان ءابىش ۇلى نازاربايەۆتىڭ قازاقستاننىڭ جارقىن بولاشاعى - سىزدەرگە دەگەن ۇلكەن قۇرمەتى. اياۋلى جاس دوستار! سىزدەردىڭ ءبىلىمدى، پاراساتتى، جان-جاقتى دامىعان تۇلعا رەتىندە قالىپتاسىپ، زامان اعىمىنا بەيىمدەلگىش، باسەكەگە قابىلەتتى بولىپ جەتىلۋلەرىڭىز ءۇشىن مەملەكەت بارلىق مۇمكىندىكتەر مەن يگى شارالاردى اتقارۋدا جانە اتقاراتىن بولادى. ەندىگى تاڭدايتىن جولدارىڭىز – عىلىم جولى بولسىن! ءبىلىم شىڭىنان كورىنۋگە بەت تۇزەر بولساڭىز، وندا ودان قايمىقپاي بەلىڭدى بەكەم بۋ. ويتكەنى، ءبىلىم مەن عىلىم جولى – قىزىعىنان گورى قيىندىعى مول، اسۋ بەرمەس، اسقارلى بەلى بار، وتكەل بەرمەس اساۋ وزەنى بار اۋىر جول. ال، ءبىزدىڭ تاۋەلسىز ەلىمىزگە اۋىردى اۋىر دەپ قايىسپاي كوتەرەتىن، ەڭسەسى بيىك، ورەسى كەڭ، ءدىلى تازا، دەنى ساۋ، كەمەلدەنگەن اقىل ويلى، پاراساتتى جاستار قاجەت. مەن سىزدەردىڭ ءارقايسىسىڭىزدىڭ وسىنداي ازامات بولۋعا تالاپتاناتىنىڭىزعا سەنىمىم مول!"، - دەدى ج.تۇيمەبايەۆ.
ەلباسى اتىنان ءار بالاعا نوۋتبۋك، قىستىق كيىمدەر مەن ءتاتتى سىيلىقتار تابىس ەتىلدى. ءداستۇرلى تۇردە جىل سايىن مەملەكەت باسشىسى اتىنان ۇيىمداستىرىلاتىن بۇل شارا وسى كۇنى، وسى ۋاقىتتا قازاقستاننىڭ بارلىق وڭىرلەرىندە ءوتتى. وعان وڭىرىمىزدەگى اتا-انا قامقورلىعىنسىز قالعان، الەۋمەتتىك از قامتىلعان جانە كوپبالالى وتباسىلاردان شىققان ۇزدىك وقۋشىلار قاتىستى.
ءوتىپ بارا جاتقان جىلدى قورىتساق، 2018 جىل ەلىمىز ءۇشىن ەرەكشە دە تاريحي وقيعالارعا تولى جەمىستى جىل بولدى.
ەلباسىنىڭ «ۇلى دالانىڭ جەتى قىرى» اتتى باعدارلامالىق ماقالاسى اياسىندا قازاق دالاسىنىڭ الەمدىك وركەنيەتكە قوسقان ۇلەسىن جاستارعا تولىق جەتكىزە وتىرىپ، قازاق حالقىنىڭ تاريحى مەن مادەنيەتىنىڭ تۇركى دۇنيەسىندە الاتىن بىرەگەي ورنىن ناقتىلادى. سوندىقتان ءاربىر جاستىڭ كوكەيىندە ءوز ەلىنە دەگەن قۇرمەت پەن ماقتانىش بولۋ كەرەك. سەبەبى قازاقتىڭ ۇلى دالاسى الەمدىك وركەنيەتكە باستاۋدىڭ وتانى. الەمدىك وركەنيەتتىڭ دامۋىنا قازاق ەلى ءوزىنىڭ جىلقى ونەرىمەن، قىزعالداعىمەن، ۇلى جىبەك جولىنىڭ كۇرە تامىرى بولۋىمەن وراسان ۇلەس قوستى.
2017 جىلى وبلىستىق بيۋدجەتتەن 748،0 ملن.تەڭگە قارجىعا 128 مەكتەپكە روبوتوتەحنيكا كابينەتتەرى ساتىپ الىندى. بۇل كابينەتتەردە بالالار كومپيۋتەرلىك باعدارلامالاۋ داعدىلارىنا، قاراپايىم الگوريتمدەر قۇراستىرۋعا، Web-سايت جانە كومپيۋتەرلىك ويىندار مەن انيماسيالاردى قۇرۋدى ەۆروپالىق ستاندارتتارمەن ۇيرەنەدى. 2017 جىلدان باستاپ وبلىستا «KazRobosport» چەمپيوناتى مەن «KazRoboproject» عىلىمي-تەحنيكالىق جوبالار كونكۋرسى وتكىزىلۋدە. چەمپيونات جەڭىمپازدارى رەسپۋبليكالىق چەمپيوناتقا قاتىسىپ، كوماندالىق جۇلدەلى 2-ورىندى يەلەندى.
2018 جىلى ۇلتتىق ءبىرىڭعاي تەستىلەۋدىڭ قورىتىندىسىمەن وبلىستىڭ ورتا بالى – 79،6 بالدى قۇرادى. بۇل كورسەتكىش 2017 جىلمەن سالىستىرعاندا 2،9 بالعا جوعارى ناتيجەنى كورسەتتى (2017ج – 76،7).
ەلباسى ن.ءا.نازاربايەۆتىڭ «رۋحاني جاڭعىرۋ: بولاشاققا باعدار» ماقالاسى جوباسى اياسىندا وبلىس ورتالىعىندا 2018 جىلعى 1 ماۋسىم كۇنى وتكەن بالالار مەن جاستاردىڭ مۋزىكالىق وركەسترلەرى مەن انسامبلدەرىنىڭ كەزەكتى شەرۋى رەسپۋبليكالىق دەڭگەيدە جوعارعى باعاعا يە بولدى.
قازاقستان رەسپۋبليكاسىنىڭ مەكتەپ جانە كوللەدج وقۋشىلارى اراسىنداعى IX جازعى سپارتاكياداعا قاتىسقان تۇركىستان وبلىسىنىڭ وقۋشىلارى جالپى كوماندالىق ەسەپتە ءبىرىنشى ورىنعا يە بولدى.
تاربيەلەنۋشىلەرىمىز ءبىلىم سايىسى بويىنشا دا وبلىستىڭ مەرەيىن اسقاقتاتتى. ناقتىلاپ ايتساق، جالپى ءبىلىم بەرەتىن پاندەر بويىنشا وتكەن رەسپۋبليكالىق وليمپيادادا تۇركىستان وبلىسىنان قاتىسقان وقۋشىلاردىڭ 25ء-ى جۇلدەگەر اتاندى.
