Túrkistanda omyrtqa týberkýlezine ota jasaldy
Birinshi ota oblystyq Ftiziopýlmonologiia ortalyǵynda 46 jastaǵy azamatshaǵa jasalynǵan. Onyń naýqastanyp júrgenine 7 ai bolyp, aiaqtary isten shyqqan.
Ekinshi ota 38 jastaǵy azamatqa jasaldy. Naýqastarǵa Th8-9 jáne Th11-12 týberkýlezdi spondiliti belsendi satysy diagnozy qoiylǵan. Olar kúrdeli ota jasaý aldynda 20 kún em qabyldaǵan.
Aita keteiik, naýqastar bir táýlik ishinde jansaqtaý bólimshesinen hirýrgiia bólimshesine aýystyrylǵan. Búginde emdelýshilerde aýrý sezimi basylyp, aiaqtarynda qimyl paida bolǵan.
– Súiek-býyn týberkýlezimen aýyratyndardyń 70 paiyzǵa jýyǵy hirýrgiialyq kómekke júginedi, iaǵni olarǵa operatsiia jasalady. Týberkýlezdiń dárige sezimtal, dárige tózimdi túrleri bar. Qazir 60-63 paiyzǵa deiin týberkýlezdiń tózimdi túrin anyqtap jatyrmyz. Soǵan tiisti dárini taǵaiyndaimyz. Sebebi bul kezde emniń tiimdiligi artady. Sondyqtan týberkýlezdi erte anyqtaýdy maqsat etemiz, – deidi Túrkistan oblystyq ftizipýlmonologiia ortalyǵynyń bólim meńgerýshisi Qýanysh Ámirov.
Túrkistan oblysynda jylyna shamamen 10-15 týberkýlezdi spondiliti diagnozy bar naýqastar Ulttyq ftiziopýlmonologiia ǵylymi ortalyǵyna joldama alady. Bul aýrý tek ota arqyly emdeledi.
