ءبىرىنشى وتا وبلىستىق فتيزيوپۋلمونولوگيا ورتالىعىندا 46 جاستاعى ازاماتشاعا جاسالىنعان. ونىڭ ناۋقاستانىپ جۇرگەنىنە 7 اي بولىپ، اياقتارى ىستەن شىققان.
ەكىنشى وتا 38 جاستاعى ازاماتقا جاسالدى. ناۋقاستارعا تھ8-9 جانە تھ11-12 تۋبەركۋلەزدى ءسپونديليتى بەلسەندى ساتىسى دياگنوزى قويىلعان. ولار كۇردەلى وتا جاساۋ الدىندا 20 كۇن ەم قابىلداعان.
ايتا كەتەيىك، ناۋقاستار ءبىر تاۋلىك ىشىندە جانساقتاۋ بولىمشەسىنەن حيرۋرگيا بولىمشەسىنە اۋىستىرىلعان. بۇگىندە ەمدەلۋشىلەردە اۋرۋ سەزىمى باسىلىپ، اياقتارىندا قيمىل پايدا بولعان.
– سۇيەك-بۋىن تۋبەركۋلەزىمەن اۋىراتىنداردىڭ 70 پايىزعا جۋىعى حيرۋرگيالىق كومەككە جۇگىنەدى، ياعني ولارعا وپەراسيا جاسالادى. تۋبەركۋلەزدىڭ دارىگە سەزىمتال، دارىگە ءتوزىمدى تۇرلەرى بار. ءقازىر 60-63 پايىزعا دەيىن تۋبەركۋلەزدىڭ ءتوزىمدى ءتۇرىن انىقتاپ جاتىرمىز. سوعان ءتيىستى ءدارىنى تاعايىندايمىز. سەبەبى بۇل كەزدە ەمنىڭ تيىمدىلىگى ارتادى. سوندىقتان تۋبەركۋلەزدى ەرتە انىقتاۋدى ماقسات ەتەمىز، – دەيدى تۇركىستان وبلىستىق فتيزيپۋلمونولوگيا ورتالىعىنىڭ ءبولىم مەڭگەرۋشىسى قۋانىش ءامىروۆ.
تۇركىستان وبلىسىندا جىلىنا شامامەن 10-15 تۋبەركۋلەزدى ءسپونديليتى دياگنوزى بار ناۋقاستار ۇلتتىق فتيزيوپۋلمونولوگيا عىلىمي ورتالىعىنا جولداما الادى. بۇل اۋرۋ تەك وتا ارقىلى ەمدەلەدى.
