Túrkistanda 26 maýsym – Halyqaralyq nashaqorlyqqa jáne esirtkiniń zańsyz ainalymyna qarsy kúres kúnine orai bir aiǵa sozylatyn aktsiianyń ashylý saltanaty ótti, – dep habarlaidy Dalanews.kz
Is-sharada Túrkistan oblysy ákiminiń orynbasary Beisenbai Tájibaev pen Túrkistan oblystyq politsiia departamenti bastyǵynyń orynbasary Qurmanbek Sahov jáne sportshylar sóz sóilep, jastardy salamatty ómir saltyn ustanýǵa shaqyrdy.
– Memleket Basshysy Qasym-Jomart Kemeluly Qazaqstan halqyna Joldaýynda esirtki saýdasyna jáne nashaqorlyqqa qarsy kúresý mańyzdy mindet ekenin atap ótti. Esirtkiniń, onyń ishinde sintetikalyq esirtkiniń taralýy, bolashaq urpaqtyń ál-aýqatyna qaýip tóndiretini anyq. Oblys ákimi Nuralhan Oralbaiulynyń tapsyrmasyna sáikes aimaqta esirtkige qarsy kúres, jastardy qoldaý jumystary jalǵasýda. Al búgin Túrkistan oblysynda «Esirtkisiz bolashaq!» uranymen nashaqorlyqqa jáne esirtki biznesine qarsy ailyq is-sharasy bastaldy. Oblys jastary men balalar arasynda esirtkige qarsy immýnitetti jáne salaýatty ómir saltyn qalyptastyrý maqsatyndaǵy bul is-sharanyń mańyzdylyǵy erekshe. Óńirde oblys ákimdigi men quzyrly mekemelerdiń is-sharalar jospary bekitilgen. Bir ai boiy nashaqorlyqqa qarsy kúresti kúsheitý, onyń aldyn alý baǵytynda is-sharalar, aktsiialar ótedi. Jastarymyz salamatty ómir saltyn ustanyp, tutas qoǵam sergek bolýlary tiis. Qurmetti jastar! El bolashaǵy Sizderdiń qoldaryńyzda. Jaman ádetten aýlaq bolyp, bilimge, sportqa, ónerge bet buryńyzdar. Barshańyzdy salamatty ómir saltyn ustanyp, Qazaqstandy, Túrkistandy damytýǵa shaqyramyn! – dedi Beisenbai Tájibaev.
Is-sharanyń maqsaty — jastar men qoǵam arasynda salaýatty ómir saltyn nasihattaý, nashaqorlyqtyń ziiany týraly aqparat taratý jáne esirtkige qarsy qoǵamdyq immýnitet qalyptastyrý. Aktsiia aiasynda túrli aqparattyq-túsindirý jumystary, kontserttik jáne sporttyq baǵdarlamalar uiymdastyryldy.
Salaýatty ómir salty nasihattalǵan jiynǵa bilik ókilderi, bilim jáne densaýlyq saqtaý uiymdarynyń qyzmetkerleri, jastar uiymdary men qala turǵyndary belsene qatysty. Aktsiia barysynda mamandar nashaqorlyqtyń aldyn alý joldary, emdeý ádisteri jáne táýeldilikten arylý tásilderi týraly maǵlumat berdi.
Jergilikti ónerpazdar men sportshylar, áskeriler óz ónerlerin ortaǵa salyp, shara qonaqtaryna erekshe kóńil-kúi men patriottyq rýh syilady. Olardyń oryndaýyndaǵy mýzykalyq jáne bi qoiylymdary kórermender tarapynan jyly qabyldandy.
Aita keteiik, osy kúni tanymal sportshylardyń qatysýymen tańǵy jattyǵý ótkizildi.
