تٷركٸستاندا 26 ماۋسىم – حالىقارالىق ناشاقورلىققا جەنە ەسٸرتكٸنٸڭ زاڭسىز اينالىمىنا قارسى كٷرەس كٷنٸنە وراي بٸر ايعا سوزىلاتىن اكتسييانىڭ اشىلۋ سالتاناتى ٶتتٸ, – دەپ حابارلايدى Dalanews.kz
ٸس-شارادا تٷركٸستان وبلىسى ەكٸمٸنٸڭ ورىنباسارى بەيسەنباي تەجٸباەۆ پەن تٷركٸستان وبلىستىق پوليتسييا دەپارتامەنتٸ باستىعىنىڭ ورىنباسارى قۇرمانبەك ساحوۆ جەنە سپورتشىلار سٶز سٶيلەپ, جاستاردى سالاماتتى ٶمٸر سالتىن ۇستانۋعا شاقىردى.
– مەملەكەت باسشىسى قاسىم-جومارت كەمەلۇلى قازاقستان حالقىنا جولداۋىندا ەسٸرتكٸ ساۋداسىنا جەنە ناشاقورلىققا قارسى كٷرەسۋ ماڭىزدى مٸندەت ەكەنٸن اتاپ ٶتتٸ. ەسٸرتكٸنٸڭ, ونىڭ ٸشٸندە سينتەتيكالىق ەسٸرتكٸنٸڭ تارالۋى, بولاشاق ۇرپاقتىڭ ەل-اۋقاتىنا قاۋٸپ تٶندٸرەتٸنٸ انىق. وبلىس ەكٸمٸ نۇرالحان ورالبايۇلىنىڭ تاپسىرماسىنا سەيكەس ايماقتا ەسٸرتكٸگە قارسى كٷرەس, جاستاردى قولداۋ جۇمىستارى جالعاسۋدا. ال بٷگٸن تٷركٸستان وبلىسىندا «ەسٸرتكٸسٸز بولاشاق!» ۇرانىمەن ناشاقورلىققا جەنە ەسٸرتكٸ بيزنەسٸنە قارسى ايلىق ٸس-شاراسى باستالدى. وبلىس جاستارى مەن بالالار اراسىندا ەسٸرتكٸگە قارسى يممۋنيتەتتٸ جەنە سالاۋاتتى ٶمٸر سالتىن قالىپتاستىرۋ ماقساتىنداعى بۇل ٸس-شارانىڭ ماڭىزدىلىعى ەرەكشە. ٶڭٸردە وبلىس ەكٸمدٸگٸ مەن قۇزىرلى مەكەمەلەردٸڭ ٸس-شارالار جوسپارى بەكٸتٸلگەن. بٸر اي بويى ناشاقورلىققا قارسى كٷرەستٸ كٷشەيتۋ, ونىڭ الدىن الۋ باعىتىندا ٸس-شارالار, اكتسييالار ٶتەدٸ. جاستارىمىز سالاماتتى ٶمٸر سالتىن ۇستانىپ, تۇتاس قوعام سەرگەك بولۋلارى تيٸس. قۇرمەتتٸ جاستار! ەل بولاشاعى سٸزدەردٸڭ قولدارىڭىزدا. جامان ەدەتتەن اۋلاق بولىپ, بٸلٸمگە, سپورتقا, ٶنەرگە بەت بۇرىڭىزدار. بارشاڭىزدى سالاماتتى ٶمٸر سالتىن ۇستانىپ, قازاقستاندى, تٷركٸستاندى دامىتۋعا شاقىرامىن! – دەدٸ بەيسەنباي تەجٸباەۆ.
ٸس-شارانىڭ ماقساتى — جاستار مەن قوعام اراسىندا سالاۋاتتى ٶمٸر سالتىن ناسيحاتتاۋ, ناشاقورلىقتىڭ زييانى تۋرالى اقپارات تاراتۋ جەنە ەسٸرتكٸگە قارسى قوعامدىق يممۋنيتەت قالىپتاستىرۋ. اكتسييا اياسىندا تٷرلٸ اقپاراتتىق-تٷسٸندٸرۋ جۇمىستارى, كونتسەرتتٸك جەنە سپورتتىق باعدارلامالار ۇيىمداستىرىلدى.
سالاۋاتتى ٶمٸر سالتى ناسيحاتتالعان جيىنعا بيلٸك ٶكٸلدەرٸ, بٸلٸم جەنە دەنساۋلىق ساقتاۋ ۇيىمدارىنىڭ قىزمەتكەرلەرٸ, جاستار ۇيىمدارى مەن قالا تۇرعىندارى بەلسەنە قاتىستى. اكتسييا بارىسىندا ماماندار ناشاقورلىقتىڭ الدىن الۋ جولدارى, ەمدەۋ ەدٸستەرٸ جەنە تەۋەلدٸلٸكتەن ارىلۋ تەسٸلدەرٸ تۋرالى ماعلۇمات بەردٸ.
جەرگٸلٸكتٸ ٶنەرپازدار مەن سپورتشىلار, ەسكەريلەر ٶز ٶنەرلەرٸن ورتاعا سالىپ, شارا قوناقتارىنا ەرەكشە كٶڭٸل-كٷي مەن پاتريوتتىق رۋح سىيلادى. ولاردىڭ ورىنداۋىنداعى مۋزىكالىق جەنە بي قويىلىمدارى كٶرەرمەندەر تاراپىنان جىلى قابىلداندى.
ايتا كەتەيٸك, وسى كٷنٸ تانىمال سپورتشىلاردىڭ قاتىسۋىمەن تاڭعى جاتتىعۋ ٶتكٸزٸلدٸ.
