18 maýsymda fýtboldan 2026 jylǵy álem chempionatynyń K tobyndaǵy Ózbekstan men Kolýmbiia quramalary arasyndaǵy match ótti, dep habarlaidy dalanews.kz.
Kezdesý Meksikanyń astanasy Mehikodaǵy «Atsteka» stadionynda uiymdastyryldy. Oiyndy aǵylshyn tóreshisi Entoni Teilor bastaǵan qazylar brigadasy basqardy. Match 3:1 esebimen Kolýmbiia quramasynyń paidasyna aiaqtaldy.
Esepti kezdesýdiń 40-minýtynda kolýmbiialyq qorǵaýshy Daniel Mýnos ashty. Goldyq pasty Lýis Dias berdi.
Ekinshi taimda ózbekstandyq jartylai qorǵaýshy Abbosbek Faizýllaev tarazy basyn teńestirdi. Alaida arada birneshe minýt ótkende Lýis Dias taǵy bir gol soǵyp, Kolýmbiiany qaita alǵa shyǵardy. Matchtyń sońyna qarai jartylai qorǵaýshy Haminton Kampas komandasynyń úshinshi golyn soqty. Osydan keiin esep ózgergen joq – 3:1.
K tobynda Ózbekstan men Kolýmbiiadan bólek Portýgaliia jáne Kongo Demokratiialyq Respýblikasy quramalary óner kórsetedi. 2026 jylǵy álem chempionaty AQSh, Kanada jáne Meksika aýmaǵynda 11 maýsym men 19 shilde aralyǵynda ótip jatyr.
Álemniń qazirgi chempiony – Argentina quramasy. Komanda 2022 jyly Katarda ótken álem chempionatynyń finalynda Frantsiia quramasymen negizgi jáne qosymsha ýaqytta 3:3 esebimen teń oinap, penalti seriiasynda 4:2 esebimen jeńiske jetken bolatyn.
