Áleýmettik jelide Nursultan Nazarbaevtyń jaǵajaida júgirip bara jatqan videosyna parodiia jasaý trendi keńinen tarap jatyr. Degenmen kópshilik bul kadrlardyń naqty qai jerde túsirilgenin bile bermeidi, dep dalanews.kz tilshisi kznews.kz saityna silteme jasap habarlaidy.
Bloger Fevralev atalǵan videodaǵy oryndy anyqtaýǵa tyrysqan. Onyń aitýynsha, kadrlar Braziliianyń Rio-de-Janeiro qalasyndaǵy áigili Kopakabana jaǵajaiynda túsirilgen bolýy múmkin.
Bloger buǵan dálel retinde videoda Nazarbaevtyń artqy jaǵynan kórinetin tóbeler men jaǵajai mańyndaǵy ǵimarattardy kórsetken.
Jeli qoldanýshylary bul aqparatty ázilmen qabyldady. Biri "endi qazaqtar osy trendti túsirý úshin Braziliiaǵa baratyn boldy" dese, endi biri bloger týristik nysandy jarnamalaǵany úshin aqy alýy kerek dep qaljyńdady.
Keibir qoldanýshylar videony burynnan bilse de, onyń Braziliiada túsirilgenin alǵash estip otyrǵanyn jazdy.
"Bul videony talai ret kórdim. Biraq Túrkiiada túsirilgen shyǵar dep oilap júr edim. Sóitsem, múlde basqa jer eken", – dep pikir qaldyrǵandardyń biri.
Aita keteiik, Kopakabana – Rio-de-Janeironyń eń tanymal jaǵajailarynyń biri. Uzyndyǵy shamamen 4 shaqyrym bolatyn bul oryn álemdegi belgili týristik nysandardyń qataryna kiredi.
Kopakabanada jyl saiyn iri merekelik sharalar, kontsertter jáne kópshilik jinalatyn túrli mádeni is-sharalar ótedi. Ásirese Jańa jyl merekesinde bul jaǵajaiǵa milliondaǵan adam jinalatyny aitylady.
