Qoja Ahmet Iasaýı atyndaǵy qazaq-túrik ýnıversıtetinde qazaqtyń birtýar azamaty, ultymyzdyń asa kórnekti qaıratkeri Nurtas Ońdasynovtyń týǵanyna 120 jyl tolýyna arnalǵan «Qazaqstan jáne Nurtas Ońdasynov qubylysy: Mádenı taldaý aspektisi» atty respýblıkalyq ǵylymı-tájirıbelik konferensıasynyń ashylý saltanaty ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Respýblıka kúni qarsańynda QR Túrkistan oblysynyń ákimdigi, Qoja Ahmet Iasaýı atyndaǵy halyqaralyq qazaq-túrik ýnıversıteti, «Nurtas Ońdasynov» qoǵamdyq qorynyń qoldaýymyn ótken sharany ýnıversıtet rektory Janar Temirbekova júrgizip, QR Prezıdenti Qasym-Jomart Toqaevtyń quttyqtaý hatyn oqyp berdi.
İs-sharaǵa Túrkistan oblysy ákiminiń orynbasary Ertaı Altaev qatysyp, qaıratkerdiń ekonomıkany, ǵylymdy damytý úshin atqarǵan ólsheýsiz qyzmetine toqtalyp, ultqa eńbegi sińgen uly tulǵalardyń murasyn nasıhattaý ıgi is ekenin jetkizdi.
– Aldyman barshańyzdy kele jatqan Respýblıka kúnimen shyn júrekten quttyqtaımyn! Bıyl ultymyzdyń asa kórnekti qaıratkeri, el basyna kún týǵan shaqta, asa qıyn kezde el basqarǵan, qaıratkerlik tanytqan Nurtas Ońdasynovtyń týǵanyna 120 jyl tolyp otyr. Osy aıtýly sátte Nurtas Dándibaıulynyń týǵan jeri, Túrki áleminiń tóri – Túrkistanda sizdermen júzdesip turǵanyma qýanyshtymyn. Túrkistannyń oıshyly, Túrki álemine ortaq tulǵa Qoja Ahmet Iasaýıdiń «Halqyńa qyzmet et, İzgilerge izet et, Jany jaqsy jaısańdarǵa qurmet et!» degen qanatty sózi bar. Nurtas Dándibaıuly osy qurmetke barynsha saı tulǵa.
Kıeli Túrkistan óńirinde el azamatynyń esimi ulyqtalyp keledi. Tulǵanyń atynda mýzeı bar, bilim uıasyna, kóshege esimi berilgen. Qaıratkerdiń eńbegi máńgi el esinde qalady. Búgingi konferensıada ǵalymdarymyz, zıaly qaýym ókilderi tulǵanyń saıası, rýhanı, tarıhı bolmysyn ashyp, tyń derekter tarıhı aıtylady dep senemin! – dedi oblys ákiminiń orynbasary Ertaı Kenjebekuly.
Atalǵan sharaǵa elimizge tanymal qoǵam qaıratkerleri, jazýshy, ǵalymdar, tarıhshylar, ardagerler, máslıhat depýtattary, zıaly qaýym ókilderi, belsendi jastar jınaldy.
Aýqymda is-sharada QR Parlamenti Májilisiniń depýtaty, Halyqaralyq «Alash» syılyǵynyń laýreaty, aqyn Qazybek Isa, Jazýshylar odaǵynyń múshesi, «ońdasynovtanýshy» Gúlsim Orazalıev jáne taǵy basqa spıkerler sóz sóılep, Nurtas Ońdasynovtyń tulǵalyq jáne kásibı qasıetterine, keleshek urpaqqa qaldyrǵan mol murasynyń qundylyǵyna toqtaldy.
Sonymen qatar shara barysynda Nurtas Ońdasynovtyń ómir joly, el úshin aıanbaı atqarǵan qyzmetteri, Qazaqstannyń áleýmettik-ekonomıkalyq damýyna qosqan úlesi, eren eńbegi týraly baıandamalar oqyldy.
Konferensıa aldymen jalpy plenarlyq otyrystan bastalyp, ári qaraı 4 seksıa boıynsha jalǵasyp jatyr.
Plenarlyq otyrystan soń, Mádenıet ortalyǵynyń alańyna shynar aǵashyn otyrǵyzý rásimi uıymdastyryldy.
Qonaqtar shara sońynda Túrkistan qalasynyń týrısik oryndaryn aralap, qalanyń damý barysymen, sáýletimen tanysady.
Aıta keteıik, Nurtas Ońdasynov – memleketimizdi nyǵaıtýǵa úles qosqan tarıhı tulǵa. Ol asa kúrdeli kezeńde el basqaryp, kóptegen ıgi bastamalarǵa uıytqy bolyp, halqynyń múddesin bárinen bıik qoıyp, ekonomıka, bilim-ǵylym, mádenıet salasynda aýqymdy ózgerister jasap, qıyn kezeńnen keıin elimizdi damytýǵa, ultymyzdyń eńsesin tikteýge ólsheýsiz eńbek sińirdi.
