قوجا احمەت ياساۋي اتىنداعى قازاق-تٷرٸك ۋنيۆەرسيتەتٸندە قازاقتىڭ بٸرتۋار ازاماتى, ۇلتىمىزدىڭ اسا كٶرنەكتٸ قايراتكەرٸ نۇرتاس وڭداسىنوۆتىڭ تۋعانىنا 120 جىل تولۋىنا ارنالعان «قازاقستان جەنە نۇرتاس وڭداسىنوۆ قۇبىلىسى: مەدەني تالداۋ اسپەكتٸسٸ» اتتى رەسپۋبليكالىق عىلىمي-تەجٸريبەلٸك كونفەرەنتسيياسىنىڭ اشىلۋ سالتاناتى ٶتتٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
رەسپۋبليكا كٷنٸ قارساڭىندا قر تٷركٸستان وبلىسىنىڭ ەكٸمدٸگٸ, قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ, «نۇرتاس وڭداسىنوۆ» قوعامدىق قورىنىڭ قولداۋىمىن ٶتكەن شارانى ۋنيۆەرسيتەت رەكتورى جانار تەمٸربەكوۆا جٷرگٸزٸپ, قر پرەزيدەنتٸ قاسىم-جومارت توقاەۆتىڭ قۇتتىقتاۋ حاتىن وقىپ بەردٸ.
ٸس-شاراعا تٷركٸستان وبلىسى ەكٸمٸنٸڭ ورىنباسارى ەرتاي التاەۆ قاتىسىپ, قايراتكەردٸڭ ەكونوميكانى, عىلىمدى دامىتۋ ٷشٸن اتقارعان ٶلشەۋسٸز قىزمەتٸنە توقتالىپ, ۇلتقا ەڭبەگٸ سٸڭگەن ۇلى تۇلعالاردىڭ مۇراسىن ناسيحاتتاۋ يگٸ ٸس ەكەنٸن جەتكٸزدٸ.
– الدىمان بارشاڭىزدى كەلە جاتقان رەسپۋبليكا كٷنٸمەن شىن جٷرەكتەن قۇتتىقتايمىن! بيىل ۇلتىمىزدىڭ اسا كٶرنەكتٸ قايراتكەرٸ, ەل باسىنا كٷن تۋعان شاقتا, اسا قيىن كەزدە ەل باسقارعان, قايراتكەرلٸك تانىتقان نۇرتاس وڭداسىنوۆتىڭ تۋعانىنا 120 جىل تولىپ وتىر. وسى ايتۋلى سەتتە نۇرتاس دەندٸبايۇلىنىڭ تۋعان جەرٸ, تٷركٸ ەلەمٸنٸڭ تٶرٸ – تٷركٸستاندا سٸزدەرمەن جٷزدەسٸپ تۇرعانىما قۋانىشتىمىن. تٷركٸستاننىڭ ويشىلى, تٷركٸ ەلەمٸنە ورتاق تۇلعا قوجا احمەت ياساۋيدٸڭ «حالقىڭا قىزمەت ەت, ٸزگٸلەرگە ٸزەت ەت, جانى جاقسى جايساڭدارعا قۇرمەت ەت!» دەگەن قاناتتى سٶزٸ بار. نۇرتاس دەندٸبايۇلى وسى قۇرمەتكە بارىنشا ساي تۇلعا.
كيەلٸ تٷركٸستان ٶڭٸرٸندە ەل ازاماتىنىڭ ەسٸمٸ ۇلىقتالىپ كەلەدٸ. تۇلعانىڭ اتىندا مۋزەي بار, بٸلٸم ۇياسىنا, كٶشەگە ەسٸمٸ بەرٸلگەن. قايراتكەردٸڭ ەڭبەگٸ مەڭگٸ ەل ەسٸندە قالادى. بٷگٸنگٸ كونفەرەنتسييادا عالىمدارىمىز, زييالى قاۋىم ٶكٸلدەرٸ تۇلعانىڭ ساياسي, رۋحاني, تاريحي بولمىسىن اشىپ, تىڭ دەرەكتەر تاريحي ايتىلادى دەپ سەنەمٸن! – دەدٸ وبلىس ەكٸمٸنٸڭ ورىنباسارى ەرتاي كەنجەبەكۇلى.
اتالعان شاراعا ەلٸمٸزگە تانىمال قوعام قايراتكەرلەرٸ, جازۋشى, عالىمدار, تاريحشىلار, ارداگەرلەر, مەسليحات دەپۋتاتتارى, زييالى قاۋىم ٶكٸلدەرٸ, بەلسەندٸ جاستار جينالدى.
اۋقىمدا ٸس-شارادا قر پارلامەنتٸ مەجٸلٸسٸنٸڭ دەپۋتاتى, حالىقارالىق «الاش» سىيلىعىنىڭ لاۋرەاتى, اقىن قازىبەك يسا, جازۋشىلار وداعىنىڭ مٷشەسٸ, «وڭداسىنوۆتانۋشى» گٷلسٸم ورازاليەۆ جەنە تاعى باسقا سپيكەرلەر سٶز سٶيلەپ, نۇرتاس وڭداسىنوۆتىڭ تۇلعالىق جەنە كەسٸبي قاسيەتتەرٸنە, كەلەشەك ۇرپاققا قالدىرعان مول مۇراسىنىڭ قۇندىلىعىنا توقتالدى.
سونىمەن قاتار شارا بارىسىندا نۇرتاس وڭداسىنوۆتىڭ ٶمٸر جولى, ەل ٷشٸن ايانباي اتقارعان قىزمەتتەرٸ, قازاقستاننىڭ ەلەۋمەتتٸك-ەكونوميكالىق دامۋىنا قوسقان ٷلەسٸ, ەرەن ەڭبەگٸ تۋرالى باياندامالار وقىلدى.
كونفەرەنتسييا الدىمەن جالپى پلەنارلىق وتىرىستان باستالىپ, ەرٸ قاراي 4 سەكتسييا بويىنشا جالعاسىپ جاتىر.
پلەنارلىق وتىرىستان سوڭ, مەدەنيەت ورتالىعىنىڭ الاڭىنا شىنار اعاشىن وتىرعىزۋ رەسٸمٸ ۇيىمداستىرىلدى.
قوناقتار شارا سوڭىندا تٷركٸستان قالاسىنىڭ تۋريستٸك ورىندارىن ارالاپ, قالانىڭ دامۋ بارىسىمەن, سەۋلەتٸمەن تانىسادى.
ايتا كەتەيٸك, نۇرتاس وڭداسىنوۆ – مەملەكەتٸمٸزدٸ نىعايتۋعا ٷلەس قوسقان تاريحي تۇلعا. ول اسا كٷردەلٸ كەزەڭدە ەل باسقارىپ, كٶپتەگەن يگٸ باستامالارعا ۇيىتقى بولىپ, حالقىنىڭ مٷددەسٸن بەرٸنەن بيٸك قويىپ, ەكونوميكا, بٸلٸم-عىلىم, مەدەنيەت سالاسىندا اۋقىمدى ٶزگەرٸستەر جاساپ, قيىن كەزەڭنەن كەيٸن ەلٸمٸزدٸ دامىتۋعا, ۇلتىمىزدىڭ ەڭسەسٸن تٸكتەۋگە ٶلشەۋسٸز ەڭبەك سٸڭٸردٸ.
