Túrkistan oblysynda sý tapshylyǵyn joiý maqsatynda sý únemdeý tehnologiiasyn engizý jumystary keńinen qoldanylyp keledi. Elimizde alǵash ret sý únemdeý tehnologiiasymen kúrish egildi. Sonyń biregeii Otyrar aýdany, Qarǵaly aýylynda júzege asyrylyp, tamshylatyp sýarý ádisi arqyly kúrish jáne maqta sharýashylyǵy qolǵa alynǵan, dep habarlaidy Dalanews.kz
Búgin oblys ákimi Nuralhan Kósherov Otyrar aýdanyna arnaiy jumys saparymen baryp, «Taimas-2024» JShS-niń maqta jáne kúrish alqabynyń jumysymen tanysty. Investorlarmen jáne alqap iesimen kezdesip, egistik jumystaryn jandandyrýdy tapsyrdy. Tyń jobalardy qoldaýǵa árdaiym daiyn ekenin jetkizdi.
«Taimas-2024» JShS-niń direktory Tólegen Serikbaev oblys ákimdiginiń úilestirýimen shetelge issaparǵa shyǵyp, investorlarmen keliskenin jetkizdi. Osy arqyly jańa jobasyn júzege asyrýda.
Egin alqabyna sý únemdeý tehnologiiasyn engizý arqyly kúrish, maqta, piste daqyldary jersindiriledi. Joba quny – 2 mlrd. teńge. Atalǵan jumystar investor tarapynan qarjylandyrylady. Keshen aýmaǵy 5 myń gektardy quraidy. Onyń ishinde 2300 gektar jerge maqta, 500 gektarǵa kúrish, qalǵan 200 gektar jerge piste daqyldary egilgen. Alqap jumystaryna 45 aýyl sharýashylyǵy tehnikasy jumyldyrylǵan. Joba qýattylyǵyna kelsek, ár gektardan 50 tsentner kúrish alý kózdelgen. Munda 25 maýsymdyq jumys orny ashylǵan. Jańa ádis arqyly sý birneshe ese únemdelgen.
El Prezidenti Qasym-Jomart Toqaev sý únemdeý tehnologiialaryn engizý jáne aýyl sharýashylyǵy salasynda jalpy óniminiń kólemin ulǵaitý baǵytynda birqatar tapsyrmalar bergen-di. Bul baǵytta Túrkistan oblysynda maqsatty jobalar qolǵa alynyp, búginde sapaly jumystar atqarylýda. Biyl óńirde aýyl sharýashylyǵy alqaptaryna sý únemdeý tehnologiialaryn 27 myń gektarǵa engizý josparlanyp, qazirgi ýaqytta 59 myń gektar jerge endirilgen. 2028 jylǵa deiin jyl saiyn 27 myń gektarǵa engizý josparlansa, oblysta múmkindigine qarai sý únemdeý tehnologiialaryn jyl saiyn 50 myń gektarǵa endirý kózdelýde. Bul ádis aýylsharýashylyǵy ónimderiniń kólemin arttyrýǵa múmkindik beredi.
