Búgin «Úles» qaiyrymdylyq qory óziniń igi isteriniń jalǵasy retinde Túrkistan qalasynda turatyn I toptaǵy múmkindigi shekteýli azamat Ahliddinov Arman men jubaiy Lena Ahliddinovaǵa jańa baspana tabystady,- dep habarlaidy Dalanews.kz
Bul — qor tarapynan berilgen 50-shi baspana.
Múmkindigi shekteýli jandardyń qýanyshyna ortaqtasqan Túrkistan qalasynyń ákimi Ázimbek Pazylbekuly men Túrkistan oblystyq aqsaqaldar alqasynyń tóraǵasy Jarylqasyn Áziretbergenuly arnaiy syi-siiapatymen jańa baspananyń kiltin tabystady.
Arman Ahliddinov kórý qabiletinen aiyrylǵan ardager aqsaqal, al jubaiy Lena arbaǵa tańylǵan. Qiyndyqtarǵa qaramastan, otbasy ómirge qulshynyspen qarap, uldaryn tárbieleýde. Qazirgi tańda olardyń jalǵyz uly jalpy orta mekteptiń 9-synybynda bilim alýda.
Januianyń negizgi tabys kózi – memleket tarapynan beriletin múgedektikke bailanysty áleýmettik járdemaqy jáne ózge de memlekettik qoldaý túrleri. Osyndai ómirlik jaǵdailardy eskere otyryp, «Úles» qaiyrymdylyq qory bul otbasyna baspana syilady.
Jańa turǵyn úige ie bolǵan otbasy ákimdik pen qordyń qaiyrymdy aqsaqaldaryna shynaiy alǵysyn bildirip, isterine sáttilik tiledi.
