Túrkistanda Qazaqstan Respýblikasynyń Konstitýtsiia kúnine arnalǵan «Aibary myqty – Ata Zań» is-sharasy ótti. Saltanatty jiynǵa oblys ákimi Darhan Satybaldy arnaiy qatysyp, óńirdiń jetistikteri týraly baiandama jasady. Sonymen qatar turǵyndardy merekemen quttyqtady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Sizderdi elimizdiń mańyzdy merekesi – Konstitýtsiia kúnimen quttyqtaimyn! Bul mereke – derbestigimiz ben daralyǵymyzdyń aiǵaǵy, eldigimiz ben erligimizdiń bairaǵy. Memlekettigimizdiń keshegisi men kelesheginiń kepili. Memleket basshysy Qasym-Jomart Toqaevtyń tikelei qoldaýymen óńirde aýqymdy jobalar qolǵa alyndy. Osy mańyzdy isterdi atqarýǵa úles qosyp júrgen barshańyzǵa alǵysymdy bildiremin. Oblys turǵyndarynyń 80 paiyzy aýyldy eldi mekenderde turady jáne aýyldy jerlerdi qajetti infraqurylymmen qamtý – basty baǵytymyzdyń biri. Elimiz budan ári damýy úshin árbir azamat Ata zańymyzdyń ustanymyn qatań saqtai otyryp, eńbek ete bilýi tiis. Bul rette, «Eńbek adamy» beinesin nasihattaý bolashaq urpaq úshin taptyrmas úlgi bolary haq. Ata zańdy ardaq tutqan ónegeli elimiz órkendei bersin! – dedi oblys ákimi.
«Kongress holl» kópsalaly kesheninde ótken is-sharada óńir basshysy birqatar azamattardy marapattady. «Qurmet» jáne III dárejeli «Eńbek Dańqy» ordeni, «Eren eńbegi úshin» medali syndy memlekettik nagradalaryn tabystady. Sonymen qatar oblystyń Qurmetti azamaty ataǵyn tapsyrdy. Onyń ishinde qoǵam qairatkeri, Túrkistan oblysynyń burynǵy ákimi Ómirzaq Shókeev, Qazaqstan musylmandary dini basqarmasynyń tuńǵysh tóraǵasy, qurmetti mýfti Rátbek qajy jáne memlekettik jáne qoǵamdyq qyzmette eńbek sińirgen, óńirdiń áleýmettik-ekonomikalyq damýyna eleýli úles qosqan azamattar bar.
Saltanatty jiyn ári qarai kontserttik baǵdarlamaǵa ulasty. Onda Qazaqstannyń eńbek sińirgen ártisi Nurlan Ónerbaev, estrada juldyzy Aidar Turǵambek, «Súgir» atyndaǵy qazaq-ult aspaptar orkestri, QR Mádeniet qairatkeri Aijan Tájenova, «Turan Boys» toby, Rýslan Ahymbekov, Aizada Asylhan, Mahmýd Ýrimbaev, Sultan Bekmyrza, Sándibek Amanov, Gúlzina Jaqsylyq,«Farab» jáne «Bisultan» bi ansambli, «Jana lep!» óner ujymy, «AKA» balalar shyǵarmashylyq ortalyǵy óner kórsetti.
